Rheolwr Abertawe’n “grac a rhwystredig” â’r dyfarnwr yn Fulham

 
Steve Cooper Abertawe

Steve Cooper, rheolwr tîm pêl-droed Abertawe

Llun: golwg360 / Alun Rhys Chivers

Mae Steve Cooper yn galw ar dîm pêl-droed Abertawe i fanteisio ar fod yn “grac a rhwystredig” yn sgil safon y dyfarnu yn y golled yn erbyn Fulham ganol wythnos, wrth i’r Elyrch deithio i Blackburn heddiw (dydd Sadwrn, Chwefror 29).

Mae adroddiadau y bydd Steve Cooper, mab y cyn-ddyfarnwr Keith Cooper o Bontypridd, yn cyfarfod â phenaethiaid dyfarnu’r Gynghrair Bêl-droed i drafod sawl penderfyniad amheus yn ystod y gêm.

Collodd yr Elyrch o 1-0 wrth i Aleksandar Mitrovic rwydo yn y funud olaf yn Craven Cottage, a hynny ar ôl i’w gic o’r smotyn gael ei arbed gan Freddie Woodman ar ôl i’r dyfarnwr benderfynu bod Connor Roberts wedi llorio’r ymosodwr.

Gallai’r Elyrch fod wedi cael cic o’r smotyn hefyd, wrth i Andre Ayew gael ei lorio gan Denis Odoi.

Ar ôl y gêm, dywedodd Steve Cooper fod “natur y penderfyniadau aeth yn herbyn ni yn ei gwneud hi’n fwy rhwystredig fyth”.

“Dw i ddim wedi fy siomi nac yn rhwystredig gyda’r chwaraewyr, i’r gwrthwyneb mewn gwirionedd.

“Fe wnaethon nhw roi popeth heno ac mae’r ffaith fod pedwar penderfyniad wedi mynd o’u plaid nhw, ac nid o’n plaid ni, yn annerbyniol mewn gwirionedd.

“Mae colli’r gêm yn y fath fodd ar sail y penderfyniadau hynny jyst yn annheg.”

Troi eu sylw at Blackburn

“Dw i’n credu ar ôl y gêm yn erbyn Fulham a sut y cawson ni ein trin, mae’n rhaid i ni ddefnyddio’r ffaith ein bod ni’n grac ac yn rhwystredig i gael dylanwad cryf a phositif ar y gêm, fel y gallwn ni fynd â’r fersiwn orau ohonon ni ein hunain yno,” meddai’r rheolwr ar drothwy’r gêm yn Blackburn.

“Rhaid i ni aros yn gryf ac yn unedig, a pharhau i gynllunio a chwarae fel rydyn ni eisiau i’r tîm ei wneud.

“Os gallwn ni ddangos ein bod ni’n brwydro, a dangos ysfa a balchder fel y gwnaethon ni yn erbyn Fulham, yna fe fyddwn ni’n rhoi cyfle i ni ein hunain.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn