Gêm gyfartal “yn teimlo fel colled” i’r Elyrch, medd Steve Cooper

 
Steve Cooper Abertawe

Steve Cooper, rheolwr tîm pêl-droed Abertawe

Llun: golwg360 / Alun Rhys Chivers

Mae Steve Cooper, rheolwr tîm pêl-droed Abertawe, yn dweud bod y gêm gyfartal 4-4 oddi cartref yn Hull neithiwr (nos Wener, Chwefror 14) “yn teimlo fel colled”.

Yr Elyrch gafodd y gorau o’r meddiant am gyfnodau helaeth o’r gêm yn Stadiwm KCOM, gan ergydio at y gôl ugain o weithiau.

Ond sgoriodd Hull gyda phob ergyd at y gôl, gan fynd ar y blaen dair gwaith trwy Leonardo Da Silva, Marcus Maddison a Mallik Wilks.

Sgoriodd Wayne Routledge, Kyle Naughton a Jordan Garrick i unioni’r sgôr bob tro, cyn i Rhian Brewster roi’r Elyrch ar y blaen gyda chwe munud yn weddill.

Ond rhwydodd Tom Eaves i achub pwynt i’r tîm cartref ym munudau ola’r gêm.

Chwarae heb y bêl

“Mae’r goliau’n dweud popeth wrthoch chi am y gêm,” meddai Steve Cooper.

“Ry’n ni wedi gweithio’n galed i sgorio goliau da iawn.

“Dechreuodd yr un gyntaf gyda’r golwr ac ry’n ni wedi gweithio’n ffordd lan y cae.

“Ry’n ni wedi bod yn siarp o gic gornel ar gyfer gôl Kyle [Naughton], mae’r drydedd gôl yn un wych ar ôl cael Andre Ayew i lawr yr ochr drwy Jake Bidwell, gyda Jordon yn cyrraedd pen y croesiad.”

Ond mae’n dweud bod y goliau ildiodd yr Elyrch yn destun siom.

“Ar y llaw arall, mae’r holl goliau wnaethon ni eu hildio wedi cael eu taflu i ffwrdd, a phob un yr un fath.

“Dydyn ni ddim wedi llwyddo i roi digon o bwysau ar y bêl gyntaf, sydd wedi gallu dod i mewn i’r cwrt cosbi.

“Dydyn ni ddim wedi ennill gyda’r peniad cyntaf, a heb godi’r ail beniad.

“Felly mae ildio pedair gôl fel yna’n destun siom ac os ydw i’n onest, mae’n teimlo fel colled.

“Ry’n ni’n parhau i gael ein cosbi gan yr un peth, ac mae’r bai arnon ni ein hunain.

“Dw i jyst wedi cael siom oherwydd y ffordd wnaethon ni amddiffyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn