Caerdydd ac Abertawe’n gyfartal yn y gêm ddarbi fawr

 
Fe wnaeth y gêm ddarbi fawr rhwng timau pêl-droed Caerdydd ac Abertawe orffen yn gyfartal ddi-sgôr yn Stadiwm Dinas Caerdydd.

Ar ôl i’r Elyrch ennill o 1-0 yn Stadiwm Liberty, roedden nhw’n ceisio torri record hanesyddol drwy fod y tîm cyntaf erioed i gwblhau’r dwbwl yn y derbi yn y gynghrair.

Daeth y ddau dîm o fewn trwch blewyn i gipio buddugoliaeth, wrth i Callum Paterson a Bersant Celina daro’r pyst, ond gêm i’r amddiffynwyr ymfalchïo ynddi oedd hon.

Mae’r Elyrch bellach yn gydradd seithfed yn y Bencampwriaeth, tra bod yr Adar Gleision bedwar pwynt y tu ôl iddyn nhw ac yn parhau i frwydro am le yn y safleoedd ail gyfle.

Crynodeb o’r gêm

Gwnaeth Rhian Brewster, sydd ar fenthyg yn Abertawe o Lerpwl, argraff yn syth bin wythnos ar ôl iddo ymddangos yn y gêm ddarbi yng Nglannau Mersi.

Gwelodd yr ymosodwr 19 oed y cerdyn melyn o fewn deng munud am lorio Lee Tomlin, funudau’n unig ar ôl i Robert Glatzel benio’r bêl heibio’r gôl cyn i Wayne Routledge ergydio dros y trawst i Abertawe.

Yn absenoldeb Mike van der Hoorn, llwyddodd Ben Cabango, y Cymro Cymraeg, a Ben Wilmot i sefyll yn gadarn yng nghanol yr amddiffyn.

Ac roedden nhw’n gefnogaeth sylweddol i’r golwr Freddie Woodman.

Ar ôl i Ben Cabango daclo Robert Glatzel wrth geg y gôl, aeth Bersant Celina yn agos at sgorio ym mhen arall y cae ar ôl 28 munud.

Aeth y gêm yn flêr am gyfnod wrth i’r ddau dîm ceisio goruchafiaeth gorfforol, ac fe fu sawl ffrae rhwng Junior Hoilett a Connor Roberts, ac yna rhwng Robert Glatzel a Ben Cabango.

Daeth cyfleoedd i Junior Hoilett a Rhian Brewster i’w timau yn gynnar yn yr ail hanner ond parhau’n hesb wnaeth yr ymosodwyr.

Daeth cyfleoedd hwyr i’r eilyddion Josh Murphy a Callum Paterson i gipio’r triphwynt i’r Adar Gleision.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd