Gêm gyfartal rhwng Abertawe a Blackburn

Diweddarwyd  

Abertawe 1–1 Blackburn                                                                 

Gôl yr un a orffennodd hi ar y Liberty wrth i Abertawe a Blackburn orffen gyda deg dyn yn eu gêm Bencampwriaeth nos Fercher.

Sgoriodd Danny Graham ac Andre Ayew yn yr hanner cyntaf cyn i Tom Carroll a Bradley Dack gael eu hanfon o’r cae yn yr ail.

Pedwar munud yn unig a oedd ar y cloc pan rwydodd Graham i roi Blackburn ar y blaen yn ebryn ei gyn glwb, yn rhwydo o groesiad Adam Armstrong.

Roedd Abertawe’n gyfartal ychydig funudau’n ddiweddarach pan beniodd Ayew o gic gornel Matt Grimes, ac felly yr arhosodd hi tan hanner amser.

Aeth yr Elyrch i lawr i ddeg dyn ddeuddeg munud wedi’r egwyl pan dderbyniodd Carroll ei ail gerdyn melyn. Ymunodd Dack ag ef am gawod gynnar ddeg munud yn ddiweddarach, yn derbyn ei ail felyn ef am dacl ar Grimes a oedd yn haeddu coch ar ei phen ei hun.

Cafodd y ddau dîm gyfleoedd wedi hynny ond bu rhaid iddynt fodloni ar gôl yr un a phwynt yr un.

Mae’r canlyniad yn gadael tîm Steve Cooper yn yr unfed safle ar ddeg yn y tabl

.

Abertawe

Tîm: Woodman, Roberts, Cabango, van der Hoorn, Bidwell, Byers, Grimes, Carroll, Ayew, Surridge, Celina (Kalulu 79’)

Gôl: Ayew 10’

Cardiau Melyn: Dack 8’, 67’

Cerdyn Coch: Dack 67’

.

Blackburn

Tîm: Walton, Nyambe, Lenihan, Adarabioyo, Downing, Travis, Evans (Holtby 65’), Armstrong, Dack, Rothwell (Bennett 56’), Graham (Gallagher 72’)

Gôl: Graham 4’

Cardiau Melyn: Carroll 32’, 57’

Cerdyn Coch: Carroll 57’

.

Torf: 14,162

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd