Ebbsfleet 2–1 Wrecsam
Mae Wrecsam ar waelod Cynghrair Genedlaethol Lloegr ar ôl colli yn erbyn Ebbsfleet ar Stonebridge Road brynhawn Sadwrn.
Dechreuodd Ebbsfleet y dydd ar waelod y tabl ond Wrecsam sydd bellach yn y safle hwnnw wedi i gôl hwyr Myles Weston gipio’r tri phywnt i’r tîm cartref.
Aeth Ebbsfleet ar y blaen wedi dim ond deg munud pan wyrodd ergyd Tomi Adeloye oddi ar James Jennings, heibio i Rob Lainton, ac i gefn y rhwyd.
Roedd y Dreigiau’n gyfartal ar yr egwyl serch hynny diolch i gôl Kieran Kennedy wedi hanner awr o chwarae.
Felly yr arhosodd hi tan chwarter awr o’r diwedd pan adlamodd cic gornel yn garedig i Weston ar ochr y cwrt cosbi cyn iddo anelu ergyd gadarn i gefn y rhwyd.
Mae’r canlyniad yn gadael tîm Dean Keates ar waelod y tabl, union hanner ffordd trwy’r tymor.
.
Ebbsfleet
Tîm: Holmes, Ekpiteta, King, Weston, Blackman, Cordner, Lawless, Payne, Egan (Sutherland 76’), Ugwu, Adeloye (Reid 60’)
Goliau: Jennings [g.e.h.] 10’, Weston 74’
.
Wrecsam
Tîm: Lainton, Jennings, Pearson, Wright, Lawlor, Kennedy, Summerfield, Young, Rutherford (Harris 79’), Grant, Patrick
Gôl: Kennedy 30’
Cardiau Melyn: Pearson 65’, Young 88’
.
Torf: 1,036
