Wrecsam 3–3 Yeovil
Bu’n rhaid i Wrecsam a Yeovil fodloni ar bwynt yr un wedi gêm gyffrous lawn goliau ar y Cae Ras yng Nghynghrair Genedlaethol Lloegr brynhawn Sadwrn.
Sgoriodd Rhys Murphy hatric i’r ymwelwyr ond roedd goliau Wright, Rutherford a Grant yn ddigon i sicrhau pwynt i’r Dreigiau.
Rhoddodd Murphy’r ymwelwyr ar y blaen wedi dim ond pedwar munud cyn i Akil Wright unioni o groesiad Ben Tollitt.
Adferodd Murphy fantais Yeovil gyda’i ail o’r prynhawn cyn i Paul Rutherford daro nôl i Wrecsam gydag ergyd o bellter ym munud olaf yr hanner cyntaf.
Rhoddodd Paul Rutherford y Cymry ar y blaen am y tro cyntaf yn y gêm yn gynnar yn yr ail gyfnod cyn i Murphy gwblhau ei hatric ac achub pwynt i’w dîm hanner ffordd trwy’r ail hanner.
Mae’r canlyniad yn cadw tîm Dean Keates yn safleoedd y gwymp, yn yr unfed safle ar hugain, bwynt o’r gwaelod.
.
Wrecsam
Tîm: Lainton, Pearson, Lawlor, Grant, Young, Summerfield, Tollitt (Patrick 72’), Carrington, Rutherford, Reid (Kennedy 33’), Wright
Goliau: Wright 23, Rutherford 45’, Grant 47’
Cardiau Melyn: Rutherford 63’, Pearson 90+4’
.
Yeovil
Tîm: Nelson, Collins, Smith (Duffus 84’), Hippolyte, D’Ath, Wilkinson (Skendi 35’), Murphy, Bradbury, Hutton (Dagnall 72’), Lee, Tilley
Goliau: Murphy 4’, 39’, 67’
.
Torf: 3,583
