Casnewydd drwodd i ail rownd Cwpan FA Lloegr

 

Bathodyn Casnewydd

Mae tîm pêl-droed Casnewydd drwodd i ail rownd Cwpan FA Lloegr, ar ôl curo Grimsby o 2-0 yn Rodney Parade neithiwr (nos Fercher, Tachwedd 20).

Tarodd Padraig Amond ergyd lwyddiannus ar ôl 49 munud i sgorio’i seithfed gôl mewn naw gêm yn y gystadleuaeth.

Dyblodd yr Alltudion eu mantais yn ystod yr amser a ganiateir am anafiadau, pan rwydodd y capten Joss Labadie.

Hyd yn oed wedi hynny, roedd rhagor o gyffro pan gafodd yr amddiffynnwr Mattie Pollock gerdyn coch i adael Grimsby â deg dyn.

Tra bydd Casnewydd yn chwarae Maldon a Tiptree yn yr ail rownd, mae’n cau pen y mwdwl ar wythnos siomedig i Grimsby, ar ôl gweld eu rheolwr Michael Jolley yn gadael y clwb yn dilyn ffrae danllyd â newyddiadurwyr, ar ôl iddo regi atyn nhw 58 gwaith mewn sgwrs o bedair munud.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd