Y Bala yn rhoi cweir i Aber

Diweddarwyd  

Aberystwyth 0–5 Y Bala                                                                   

Cafwyd perfformiad pum seren gan y Bala wrth iddynt drechu Aberystwyth oddi cartref ar Goedlan y Parc yn y Cymru Premier nos Wener.

Sgoriodd yr ymwelwyr bum gôl i gyd, dwy yr un i Venables a Robles ac un i Henry Jones.

Chwaraeodd y ddau dîm eu rhan mewn hanner awr cyntaf agored a chyffrous ond yr ymwelwyr o’r Bala a gafodd y gôl agoriadol, Henry Jones yn gorffen gwrthymosodiad yn slic wedi pas ddeheuig Chris Venables i’w lwybr.

Peniodd Marc Williams yn erbyn y trawst i Aberystwyth wedi hynny ond roedd y Bala wedi dyblu eu mantais cyn yr egwyl diolch i Louis Robles, y blaenwr yn gwyro peniad gwreiddiol Anthony Stephens o gic gornel i gefn y rhwyd gyda’i ben yntau.

Roedd y canlyniad yn ddiogel ugain munud o ddiwedd y naw deg yn dilyn gôl wych gan Venables. Curodd cyn chwaraewr Aber ddau amddiffynnwr cyn crymanu ergyd berffaith i’r gornel bellaf o gornel y cwrt cosbi.

Gorffennodd yr ymwelwyr y gêm mewn steil gyda dwy gôl arall. Hanner foli flasus gan Robles a oedd y gyntaf wedi cyd chwarae taclus rhwng Jones a Kieran Smith. Venables a gafodd y llall, yn sgorio â’i ben wedi i Connor Roberts wneud arbediad da i wyro cynnig gwreiddiol Robles yn erbyn y trawst.

Mae’r canlyniad yn cadw Aber yn nawfed yn y tabl ac yn codi’r Bala i’r trydydd safle, dros nos o leiaf.

.

Aberystwyth

Tîm: Roberts, Baynes, Edwards, Mendes, Williams, Vaz (Kellaway 72’), Jenkins, Jones, Hughes, Price (Boss 76’) Phillips (Ricketss 76’)

Cerdyn Melyn: Jones 17’

.

Y Bala

Tîm: Tibbetts, Burns, Smith, Stephens, Spittle, Burke, Jones (Molyneux 85’), Smith, Leslie (Horwood 86’), Robles (Hayes 86’), Venables

Goliau: Jones 28’, Robles 44’, 77’, Venables 71’, 82’

.

Torf: 587

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd