Dyfalu a fydd Gareth Bale yn chwarae i Gymru yn erbyn Belarws

 

Gareth Bale

Llun: Ian Cook/Propaganda trwy Gymdeithas Bêl-droed Cymru

Mae dyfalu a fydd Gareth Bale yn chwarae i Gymru yn y gêm gyfeillgar yn erbyn Belarws yng Nghaerdydd nos yfory (nos Lun, Medi 9).

Sgoriodd yr ymosodwr y gôl fuddugol nos Wener wrth i Gymru guro Azerbaijan o 2-1 yn y gêm ragbrofol ar gyfer Ewro 2020.

Fe fu’n ymarfer gyda’r garfan heddiw, ac fe fydd penderfyniad yn cael ei wneud ynghylch ei gynnwys yn y tîm neu ymhlith yr eilyddion.

Mae Gareth Bale yn dweud ei fod yn credu y gall Cymru gyrraedd y gystadleuaeth y flwyddyn nesaf, er iddyn nhw golli eu dwy gêm gyntaf, a dod yn agos i gael embaras yn erbyn Azerbaijan yn dilyn perfformiad siomedig ar y cyfan.

“Fyddwn i ddim yma’n gwastraffu fy amser os nad o’n i’n credu y gallwn ni [gymhwyso],” meddai ymosodwr Real Madrid.

“Dw i’n credu bod y cefnogwyr yn credu y gallwn ni, ac mae eu hangen nhw arnon ni fel deuddegfed dyn.”

Pwyso a mesur y perfformiad

Yn ôl Ryan Giggs, roedd perfformiad Cymru yn erbyn Azerbaijan yn gyfuniad o’r “da a’r drwg”.

“Y broblem oedd ei fod yn dda iawn neu’n ddrwg iawn, ac mae angen i ni gydbwyso hynny,” meddai.

“Dydych chi ddim yn aml yn ennill o 4-0 mewn pêl-droed ryngwladol.

“Wnes i dipyn o ymdrech nos Wener i ddewis chwaraewyr sy’n ffit ac yna fe gewch chi eilyddion yn creu argraff fel Jonny Williams sy’n gallu newid gemau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd