“Mae’n rhy gynnar i gyffroi,” meddai rheolwr Abertawe

Diweddarwyd am  
Steve Cooper Abertawe

Steve Cooper, rheolwr tîm pêl-droed Abertawe

Llun: golwg360 / Alun Rhys Chivers

Mae Steve Cooper, rheolwr tîm pêl-droed Abertawe, yn dweud ei bod yn “rhy gynnar i gyffroi” ar ôl gweld ei dîm yn curo Leeds o 1-0 yn Elland Road, a sefyll ar eu pennau eu hunain ar frig y Bencampwriaeth.

Mae’r Elyrch ddau bwynt ar y blaen i Charlton bellach a thri phwynt ar y blaen i Leeds, ar ôl i Wayne Routledge ddod oddi ar y fainc i sgorio gôl allweddol brynhawn ddoe (dydd Sadwrn, Awst 31).

Maen nhw’n ddi-guro ers i Steve Cooper olynu Graham Potter cyn dechrau’r tymor, ar ôl ennill pum gêm a chael un gêm gyfartal.

“Dyma’r canlyniad perffaith, llechen lân oddi cartref a sgorio un [gôl],” meddai Steve Cooper.

“Mae’n ganlyniad da.

“Dw i ddim yn mynd i fod yn rhy dawel, ond mae yna 40 o gemau’n weddill.

“Dw i’n teimlo fel pe baen ni wedi chwarae 30 eisoes!

“Wrth gwrs ei fod yn ddechrau da, ac yn galonogol.

“Cyfanswm da hyd yn hyn, does dim amheuaeth am hynny.

“Ond mae angen i ni barhau, parhau i weithio a pharatoi ar gyfer y gêm nesaf.

“Mae chwe gêm yn rhy gynnar i sôn [am ennill y gynghrair a dyrchafiad].

“Dw i wir ddim yn edrych ar y tabl.

“Ry’n ni’n hapus gyda’r ffordd ry’n ni’n bwrw ati, yn falch gyda chynnydd y tîm. Ry’n ni’n tyfu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd