Pedwar tîm yn cwffio am le yn Ewrop

 

Llun: CC0

Mae dwy gêm gynderfynol y penwythnos yma i benderfynu pwy fydd yn chwarae mewn ffeinal i gyrraedd cwpan Cynghrair Ewropa’r tymor nesaf.

Heno mae’r Drenewydd yn chwarae Bala (Dydd Gwener, Mai 10) am 7.45yh ym Mharc Latham, cyn i Gaernarfon a Met Caerdydd herio’i gilydd nos fory (Dydd Sadwrn, Mai 11) am 7.30 ar gae’r Oval.

Fe fydd chwarae yn gemau cymhwyso Ewrop ar ddechrau tymor nesaf ar flaen meddyliau’r chwaraewyr wrth iddyn nhw ddod a’r tymor pêl-droed i ben.

O ran y pedwar tîm, mae tabl terfynol tymor 2018-19 Uwch Gynghrair Cymru yn gweld Caernarfon yn bedwerydd, Y Drenewydd yn bumed, y Bala yn chweched a Met Caerdydd yn seithfed.

Y Drenewydd v Y Bala

  • Fe orffennodd gêm ddiwethaf Y Drenewydd v Y Bala yn Uwch Gynghrair Cymru yn 3-2 i hogiau’r Bala, a hynny dim ond bythefnos yn ôl.

pel-droed

  • Enillodd Y Drenewydd 3-1 oddi cartref yn erbyn Y Barri yng ngêm olaf y tymor.

 

  • Enillodd y Bala 1-0 yn erbyn Caernarfon yn eu gêm olaf hwythau.

 

  • 2015 oedd y tro diwethaf i’r Drenewydd gyrraedd Ewrop – fe enillodd y tim yn erbyn Valletta o Falta, cyn cael eu cicio allan gan FC Copenhagen o Ddenmarc.

 

  • Fuodd y Bala yn Ewrop ddechrau’r tymor hwn, pan gollwyd yn erbyn Tre Fiori, San Marino. Fe fyddan nhw’n gobeithio cyrraedd Ewrop am y pumed tymor yn olynol.

 

Caernarfon v Met Caerdydd

  • Fe orffennodd y gêm ddiwethaf rhwng Caernarfon a Met Caerdydd yn 2-0 i’r Cofis yn yr Oval ym mis Tachwedd y llynedd.

 

  • Enillodd Met Caerdydd 3-2 yn erbyn Llanelli yn eu gêm olaf.

 

  • Nid yw Caernarfon na Met Caerdydd erioed wedi chwarae yn Ewrop.

 

  • Er hynny, mae’r myfyrwyr wedi cyrraedd y gemau ail-gyfle am y trydydd tymor yn olynol, ond fe gollwyd yn y ddwy ffeinal flaenorol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd