Lerpwl yn curo Caerdydd

Diweddarwyd am  
Caerdydd

Bathodyn Clwb Pêl-droed Caerdydd

Llun: Logo’r clwb

Caerdydd 0–2 Lerpwl                                                                        

Mae Caerdydd gam yn nes at ddisgyn o Uwch Gynghrair Lloegr ar ôl colli yn erbyn Lerpwl yn Stadiwm y Ddinas brynhawn Sul.

Mae gan yr Adar Gleision un gêm yn llai i achub eu hunain wedi i goliau ail hanner Wijnaldum a Milner godi Lerpwl i frig y tabl.

Fe ddylai Roberto Firmino fod wedi rhoi Lerpwl ar y blaen hanner ffordd trwy’r hanner cyntaf ond anelodd y blaenwr dros y trawst.

Oumar Niasse a gafodd gyfle gorau Caerdydd yn y pen arall ond gwnaeth Alisson arbediad da i atal foli’r blaenwr.

Daeth y gôl gyntaf ddeuddeg munud wedi’r egwyl, Georginio Wijnaldum yn taro taran o ergyd i gefn y rhwyd o gic gornel isel Trent Alexander-Arnold.

Cafodd Jordan Henderson gyfle da i ddyblu’r fantais ar yr awr ond aeth ei ymdrech dros y trawst.

Roedd cyfle euraidd i Sean Morrison unioni pethau i Gaerdydd bedwar munud yn ddiweddarach gyda pheniad rhydd yn y cwrt chwech, ond gyda rhwyd wag o’i flaen fe fethodd yr amddiffynnwr canol a chael ei ben i’r bêl!

Aeth prynhawn Morrison o ddrwg i waeth ddeg munud o’r diwedd, cafodd Mo Salah y gorau ohono yn y cwrt cosbi a phenderfynodd y dyfarnwr fod yr amddiffynnwr wedi wreslo’r Eifftiad i’r llawr. Yr eilydd, James Milner, a gymerodd y gic o’r smotyn gan ei tharo’n hyderus i’r gornel isaf.

Golyga’r golled mai dim ond tair gêm sydd gan dîm Neil Wrnock ar ôl i ddal Brighton yn yr ail safle ar bymtheg. Mae tri phwynt bellach yn gwahanu’r ddau dîm wedi iddynt hwythau gael gêm gyfartal yn Wolves ddydd Sadwrn.

.

Caerdydd

Tîm: Etheridge, Peltier, Morrison, Ecuele Manga, Bennett, Gunnarsson, Hoilett (Murphy 83’), Camarasa, Ralls (Bacuna 79’), Mendez-Laing, Niasse (Zohore 67’)

Cerdyn Melyn: Gunnarsson 80’

.

Lerpwl

Tîm: Alisson, Alexander-Arnold (Gomez 86’), Matip, van Djik, Robertson, Henderson, Wijnaldum, Keita (Fabinho 71’ (Milner 75’)), Salah, Firmino, Mane

Goliau: Wijnaldum 57’, Milner [c.o.s.] 81’

Cerdyn Melyn: Milner 90+1’

.

Torf: 32,082

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd