Trevor Birch yw cadeirydd newydd yr Elyrch

 
Elyrch

Logo clwb pel-droed Abertawe

Llun: clwb pel-droed Abertawe

Daeth cadarnhad mai Trevor Birch yw cadeirydd newydd Clwb Pêl-droed Abertawe.

Mae’n olynu Huw Jenkins, a gamodd o’r neilltu’n ddiweddar ar ôl 17 o flynyddoedd yn y swydd.

Bydd y cadeirydd newydd yn gyfrifol am faterion pêl-droed a busnes y clwb, ac yn atebol i’r perchnogion Americanaidd, Steve Kaplan a Jason Levien.

Mae gan y Sais o Lerpwl gryn brofiad fel prif weithredwr, gan weithio yn y gorffennol i Chelsea, Everton, Leeds, Sheffield United a Derby.

“Mae record Trevor yn y gêm yn siarad drosti ei hun,” meddai’r perchnogion mewn datganiad.

Mae lle i gredu y bydd yn cydweithio â Kyle Macauley, sy’n gyfrifol am recriwtio chwaraewyr.

‘Sefydlogrwydd’

“Dw i’n deall llawer o’r problemau mae’r clwb wedi eu hwynebu, yn enwedig ar ôl gostwng [o’r Uwch Gynghrair].

“Y gwaith yw ail-gydbwyso’r clwb pêl-droed ac adfer sefydlogrwydd yn y bwrdd rheoli ac ar y cae, yn ogystal â chydweithio â’r Ymddiriedolaeth i sicrhau ein bod ni i gyd yn symud yn yr un cyfeiriad.

“Mae’n gyfle gwych i adeiladu rhywbeth hirdymor yn Abertawe.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd