Man City yn dod i Gymru

Diweddarwyd am  
Stadiwm Liberty

Stadiwm Liberty

Llun: Christopher Elkins CC 2.0 trwy Wikimedia Commons

Mae Abertawe yn wynebu sêr Man City yn rownd yr wyth olaf yng Nghwpan FA Lloegr yfory.

Bydd y gic gyntaf am 5.20 y p’nawn ac os wnawn nhw ennill, bydd yr Elyrch yn cael trip i Wembley ar gyfer gêm gynderfynol.

Ond Man City yw’r ffefrynnau o bell ffordd ac nid yw Abertawe wedi curo’r clwb o Fanceinion ers 2012.

Bryd hynny fe beniodd Luke Moore unig gôl y gêm.

Dinas ar dân

Yr wythnos hon fe sgoriodd Man City saith gôl yn erbyn Schalke yng Nghynghrair y Pencampwyr, ac fe sgorion nhw naw gôl mewn gêm gwpan yn erbyn Burton.

Ac maen nhw wedi sgorio chwe gôl mewn gemau cynghrair yn erbyn Chelsea a Southampton.

“Mae Manchester City yn dîm gwych – edrychwch ar faint o gols maen nhw wedi sgorio’r tymor hwn,” meddai Jay Fulton, chwaraewr canol cae Abertawe wnaeth chwarae yn y gêm gwpan olaf i Man City golli.

Roedd Jay Fulton yn nhîm Wigan Athletic ar Chwefror 19, 2018 pan lwyddon nhw i drechu Man City 1-0.

Ac mae’r Albanwr 24 oed yn edrych ymlaen yn arw at y gêm.

“Mae yn gyfle da i ni chwarae yn erbyn y gorau a dangos beth allwn ni wneud,” meddai.

“Rydych chi eisiau chwarae yn y gemau mawr yma.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd