Asiant Emiliano Sala ddim am gymryd y bai

Diweddarwyd am  

Emiliano Sala

Llun: Comin Wicimedia

Mae cyn-asiant Emiliano Sala yn teimlo ei fod yn cael y bai am y ddamwain awyren wnaeth ladd y pêl-droediwr.

Roedd Willie McKay wedi helpu i sicrhau’r cytundeb gwerth £15 miliwn am y chwaraewr rhwng clybiau pêl-droed Caerdydd a Nantes.

Yntau hefyd oedd wedi trefnu’r trip yn yr awyren blymiodd i’r môr gan ladd Emiliano Sala, oedd yn 28, a’r peilot David Ibbotson.

Mae Willie McKay yn honni fod clwb Caerdydd wedi gadael y chwaraewyr i drefnu ei gynlluniau teithio ei hun, ac mae yn credu y gallai’r clwb fod wedi gwneud mwy.

“Cafodd ei adael yn y gwesty er mwyn gwneud ei drefniadau teithio ei hun – doedd neb yng Nghaerdydd i weld yn gwneud unrhyw beth,” meddai Willie McKay wrth BBC Sport.

Mae’r clwb wedi dadlau’n gryf yn erbyn yr honiad hwnnw a dywedon nhw eu bod wedi cynnig trefnu sedd iddo ar awyren, ond i Emiliano Sala ei wrthod.

“Mi fydd rhywun yn edrych am rywun i’w feio – fi i ddechrau – ac yn y diwedd, mae’n debyg mai bai’r peilot fydd hi,” ychwanegodd Willie McKay.

Mae’r chwilio am gorff y peilot, David Ibbotson, wedi parhau’r wythnos hon. Mae archwilwyr yn dweud nad oedd ganddo drwydded i hedfan awyrennau masnachol ond fod ganddo un i hedfan teithwyr yn yr Undeb Ewropeaidd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd