Caerdydd yn curo Southampton

Diweddarwyd am  
Caerdydd

Bathodyn Clwb Pêl-droed Caerdydd

Llun: Logo’r clwb

Southampton 1–2 Caerdydd                                                          

Cododd Caerdydd o safleoedd disgyn Uwch Gynghrair Lloegr gyda buddugoliaeth oddi cartref yn erbyn Southampton yn St Mary’s brynhawn Sadwrn.

Sicrhaodd yr Adar Gleision eu hail dri phwynt yn olynol diolch i gôl Kenneth Zohore yn yr amser a ganiateir am anafiadau ar ddiwedd y gêm.

Wedi hanner cyntaf diflas di sgôr, fe aeth yr ymwelwyr o Gymru ar y blaen toc wedi’r awr pan wyrodd Sol Bamba beniad Callum Paterson i gefn y rhwyd.

Roedd hi’n ymddangos fod y Seintiau wedi achub pwynt yn y munud cyntaf o amser brifo pan arweiniodd camgymeriad Bamba at gôl i Jack Stephens wrth y postyn pellaf.

Ond wnaeth Caerdydd ddim bodloni ar bwynt ac yn y pedwerydd o’r munudau ychwanegol fe ddisgynodd y bêl i Zohore yn y cwrt cosbi ac fe grafodd y blaenwr ergyd i’r gornel isaf gyda chymorth y postyn.

Mae’r fuddugoliaeth yn codi tîm Neil Warnock allan o’r tri isaf, dros Southampton, i’r unfed safle ar ddeg yn y tabl.

.

Southampton

Tîm: McCarthy, Bednarek, Stephens, Vestergaard (Elyonuoussi 72’), Valery (Gallagher 83’), Ward-Prowse, Romeu, Hojbjerg, Bertrand, Long (Austin 72’), Redmond

Gôl: Stephens 90+1’

Cardiau Melyn: Ward-Prowse 45+1’, Redmond 89’, Romeu 90+6’

.

Caeryddd

Tîm: Etheridge, Peltier, Ecuele Manga, Bamba, Paterson, Gunnarsson (Bacuna 62’), Ralls, Bennett, Arter, Reid (Zohore 62’), Niasse (Camarasa 83’)

Goliau: Bamba 69’, Zohore 90+3’

Cardiau Melyn: Gunnarsson 61’, Bamba 70’, Zohore 90+4’

.

Torf: 31,438

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd