Adroddiadau bod Huw Jenkins eisiau prynu’r Elyrch

Diweddarwyd am  
Huw Jenkins

Huw Jenkins

Llun: Clwb Pêl-droed Abertawe

Wythnos yn unig ers iddo roi’r gorau i fod yn gadeirydd ar Glwb Pêl-droed Abertawe, mae adroddiadau bod Huw Jenkins eisiau prynu’r clwb.

Mae’r Sun yn adrodd bod y dyn busnes lleol yn trafod y sefyllfa gyda chriw o Arabiaid.

Yr Americanwyr Steve Kaplan a Jason Levien sy’n berchen y clwb ar hyn o bryd, ond mae’r cefnogwyr yn awyddus i’w gweld nhw’n mynd yn dilyn ffenest drosglwyddo siomedig, rai misoedd yn unig ers iddyn nhw ddisgyn i’r Bencampwriaeth.

Roedd protest yn eu herbyn yn y ddinas ddoe (dydd Sadwrn, Chwefror 9).

Yn ystod y ffenest drosglwyddo fis diwethaf, fe fu bron i’r clwb werthu Daniel James i Leeds, ac roedd pryderon fod y capten Leroy Fer am symud at Aston Villa. Mae adroddiadau mai Huw Jenkins oedd yn bennaf gyfrifol am gadw’r ddau ar y Liberty.

Ffrae

Wrth gyhoeddi ei ymadawiad yr wythnos ddiwethaf, dywedodd Huw Jenkins, oedd wedi bod yn y swydd ers 2002, fod y clwb yn symud i’r cyfeiriad anghywir o dan yr Americanwyr.

Ond fe ddywedodd na fyddai’n dychwelyd i’r clwb am “gryn amser”.

Mae e wedi cael ei feirniadu ers tro am werthu rhai o chwaraewyr amlyca’r clwb am resymau ariannol – ond mae’n dweud iddo gael ei orfodi i wneud hynny.

Prynodd yr Americanwyr 68% o gyfrannau’r clwb am oddeutu £90m yn 2016.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd