Cymro arall wedi’i benodi’n rheolwr Stoke City

Diweddarwyd am  

Nathan Jones

Llun: James Boyce CC 2.0 trwy Gomin Wicimedia

Mae’r Cymro Nathan Jones wedi ei benodi’n rheolwr newydd ar dîm pêl-droed Stoke City.

Roedd y clwb yn chwilio am olynydd i Gary Rowett, a gafodd ei ddiswyddo’r wythnos hon. Mae ganddyn nhw draddodiad o benodi Cymry i’r brif swydd.

Roedd Tony Pulis wrth y llyw rhwng 2002 a 2005 ac eto rhwng 2006 a 2013, a Mark Hughes yn rheolwr rhwng 2013 a 2018.

Mae Alan Durban ac Eddie Niedzwiecki hefyd wedi treulio cyfnodau’n rheolwr dros dro yn y gorffennol.

Gyrfa

Fel chwaraewr, dechreuodd Nathan Jones o Ystrad yng Nghwm Rhondda ei yrfa yn gefnwr chwith ac yn chwaraewr canol cae gyda Merthyr Tudful rhwng 1991 a 1995.

Treuliodd e gyfnod gyda Luton heb chwarae’r un gêm, cyn ymuno â Numancia yn Sbaen. Aeth o’r fan honno i Badajoz, cyn symud i Loegr at Southend yn 1996-97.

Roedd hefyd wedi chwarae i Scarborough, Brighton & Hove Albion a Yeovil.

Dechreuodd ei yrfa fel hyfforddwr gyda thîm dan 21 Charlton Athletic, cyn mynd yn brif hyfforddwr cynorthwyol ac yna’n hyfforddwr tîm cyntaf Brighton & Hove Albion cyn cael ei benodi’n rheolwr cynorthwyol unwaith eto.

Cafodd ei benodi’n rheolwr ar Luton yn 2016.

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd