Rheolwr Abertawe’n ymddiheuro wedi gêm gyfartal

 
Graham Potter

Graham Potter

Llun: golwg360 / Alun Rhys Chivers

Mae Graham Potter, rheolwr tîm pêl-droed Abertawe, wedi ymddiheuro am ei dactegau wrth i’w dîm lwyddo i achub pwynt yn erbyn Wigan yn Stadiwm Liberty brynhawn ddoe (dydd Sadwrn, Rhagfyr 29).

Roedd yr Elyrch ar ei hôl hi o 2-0 ar yr hanner ar ôl i Graham Potter ddewis nifer o chwaraewyr allan o’u safleoedd naturiol, ac amnewid rhwng tri a phedwar amddiffynnwr yn y cefn.

Rhwydodd Joe Garner ddwywaith – gan gynnwys unwaith o’r smotyn – cyn i reolwr Abertawe orfod newid ei dactegau – a sawl chwaraewr – ar yr hanner, ac roedden nhw’n edrych yn fwy hyderus yn yr ail hanner, wrth i gôl Mike van der Hoorn sicrhau pwynt ar ôl i Dan Burn, capten Wigan, ddarganfod ei rwyd ei hun.

‘Cyfrifoldeb llawn’

“Dw i’n cymryd cyfrifoldeb llawn am yr hanner cyntaf, doedden ni ddim wedi gallu bod yn ni ein hunain ac roedd yn 45 munud anghyfforddus,” meddai Graham Potter.

“Roedd gyda fi syniad o sut roedden ni am chwarae, ond wnaeth e ddim llwyddo.

“Dw i’n siomedig ynof fi fy hun a dw i’n ymddiheuro wrth y chwaraewyr a’r cefnogwyr am yr hanner cyntaf.”

A wnaeth e ddim hawlio’r clod am wyrdroi perfformiad ei dîm yn yr ail hanner, gan benderfynu canmol y chwaraewyr a’r cefnogwyr.

“Roedd yr ymateb yn yr ail hanner yn wych ac roedd ein cefnogwyr, drwy gydol y gêm, yn anhygoel,” meddai.

“Wnaethon nhw ein cefnogi ni mewn ffordd anhygoel ac fe allen ni fod wedi cipio’r triphwynt.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd