Caerdydd yn curo Southampton

Diweddarwyd am  
Caerdydd

Bathodyn Clwb Pêl-droed Caerdydd

Llun: Logo’r clwb

Caerdydd 1–0 Southampton                                                          

Cododd Caerdydd yn glir o safleoedd y gwymp yn Uwch Gynghrair Lloegr brynhawn Sadwrn gyda buddugoliaeth yn erbyn Southampton yn Stadiwm y Ddinas.

Callum Paterson a sgoriodd unig gôl y gêm wrth i’r Adar Gleision ennill eu trydyedd gêm gartref yn olynol.

Caerdydd a oedd tîm gorau’r hanner cyntaf wrth i amddiffyn Southampton edrych yn fregus tu hwnt yn y gêm gyntaf ers i’r rheolwr newydd, Ralph Hasenhuttl, gamu i sedd Mark Hughes. Ond roedd y tîm cartref yn wastraffus a di sgôr oedd hi ar yr egwyl.

Roedd hi’n gêm agosach yn yr ail hanner ond roedd un camgymeriad amddiffynnol erchyll yn ddigon i benderfynu’r canlyniad chwarter awr o’r diwedd.

Ceisiodd Jannik Vestergaard chwarae’r bêl yn ôl i’w gôl-geidwad ond gwnaeth lanast llwyr ohoni a manteisiodd Callum Paterson gan gipio’r bêl a a’i llithro i gefn y rhwyd.

Bu rhaid i Gaerdydd amddiffyn mymryn wedi hynny ond gwnaethant hynny’n gymharol gyfforddus i sicrhau’r fuddugoliaeth, buddugoliaeth sydd yn eu codi i’r pedwerydd safle ar ddeg yn y tabl.

.

Caerdydd

Tîm: Etheridge, Ecuele Manga, Morrison, Bamba, Bennett, Gunnarsson, Menez-Laing (Hoilett 67’), Camarasa, Arter (Ralls 90+1’), Murphy (Harris 85’), Paterson

Gôl: Paterson 74’

Cardiau Melyn: Morrison 19’, Bennett 66’

.

Southampton

Tîm: McCarthy, Valery (Stephens 45’), Benarek, Vestergaard, Targett, Romeu (Ward-Prowse 80’), Hojbjerg, Lemina, Armstrong, Austin (Gabbiadini 75’), Redmond

Cerdyn Melyn: Valery 28’

.

Torf: 30,067

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd