Clwb pêl-droed Bangor “yn agos” at gael perchennog newydd

Diweddarwyd am  

Llun: CC0

Wedi misoedd o ansicrwydd, mae clwb pêl-droed Bangor yn agos at gael perchnogion newydd.

Mae trafferthion diweddar y clwb wedi ymwneud â ffordd y cwmni, Vaughan Sports Management, o redeg pethau yn Stadiwm Nantporth.

Mae’r cwmni wedi cymryd cam yn ôl yn ddiweddar, fodd bynnag, ar ôl i Stephen Vaughan Jnr gamu i lawr o fod yn gyfarwyddwr pêl-droed er mwyn cymryd swydd hyfforddi yn Malta.

Nawr, mae ‘prynwr’ newydd, dienw, wedi dangos diddordeb mewn cymryd drosodd y clwb.

Diwedd cyfnod cythryblus?

Cymysg fu record Vaughan Sports Management ers 2016. 

Mewn cyfnod o ddwy flynedd fe gyrhaeddodd y clwb yr ail a’r pedwerydd safle yn Uwch Gynghrair Cymru, ar ben cael cymhwyster i chwarae yn Ewrop o dan reolaeth Kevin Nicholson.

Ond fe gafodd y clwb ei ddiraddio ar ddechrau’r tymor hwn ar ôl methu â sicrhau Trwydded Ddomestig Cymdeithas Bêl-droed Cymru.

Roedd hyn o ganlyniad i fethiant Vaughan Sports Management i ddatgan gwybodaeth ariannol hanfodol.

Pennod newydd?

Mae James Lees a Williams Adamson, a oedd yn gyfarwyddwyr, wedi cytuno i gamu i lawr pan gydd y tîm perchnogion dienw newydd yn barod i gymryd  drosodd.

Mi fydd y newyddion yn plesio llawer o gefnogwyr sydd wedi bod yn feirniadol o’r perchnogion presennol, ac sydd wedi arwain at ostyngiad mawr yn y niferoedd sy’n mynd i wylio gemau.

Fe chwaraeodd Bangor eu gêm gyntaf o dan reolaeth newydd Gary Taylor-Fletcher nos Wener (Tachwedd 30), gan golli i’r Rhyl.

Mae disgwyl cyhoeddiad gan y clwb yn ystod y dyddiau nesaf, cyn y byddan nhw’n chwarae yn nhrydedd rownd Cwpan JD yn Nantporth nos Wener (Rhagfyr 7) am 7.45yh.

 

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd