Ashley Williams yn ymddiheuro am “sarhau” cefnogwyr Caerdydd

 

Ashley Williams

Llun: Jon Candy o Gaerdydd, CC SA 2.0 trwy Gomin Wicimedia

Mae capten tîm pêl-droed Cymru wedi ymddiheuro ar ôl gwneud sylwadau yn erbyn rhai o gefnogwyr Caerdydd ar drothwy’r gêm yn erbyn Denmarc ddydd Gwener (Tachwedd 16).

Fe gafodd Ashley Williams ei ddal ar gamera yn gwawdio cefnogwyr yr Adar Gleision wrth iddo syllu ar lun yn nhwnnel y chwaraewyr yn Stadiwm Dinas Caerdydd.

Bu tipyn o drafod ynglŷn â’i sylwadau ar y cyfryngau cymdeithasol, gyda rhai o gefnogwyr Caerdydd yn dweud na ddylai cyn-amddiffynnwr Abertawe chwarae i Gymru eto.

Ond mae Ashley Williams wedi amddiffyn ei hun drwy ddweud mai “tynnu coes” ffisiotherapydd Cymru a chlwb Caerdydd, Sean Connelly, ydoedd.

“Dim malais”

“Roedd yna ychydig o dynnu coes rhyngof a Sean, sydd wedi bod yn ffisiotherapydd i Gaerdydd ers oes,” meddai mewn cynhadledd i’r wasg yn Albania, ddoe.

“Doedd e’n amlwg ddim i fod achosi unrhyw falais. Mae’r math hwn o dynnu coes yn digwydd o hyd o fewn y garfan, ond y tro hwn fe gafodd ei sylwi.

“Rydw i’n ymddiheuro os yw’r sylwadau wedi sarhau unrhyw un … Does gen i ddim byd yn erbyn cefnogwyr Caerdydd.”

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd