“Cymru sy’n bwysig, nid y capiau” meddai Chris Gunter

Diweddarwyd am  

Chris Gunter

Llun: Steindy trwy Gomin Wicimedia

Mae disgwyl i Chris Gunter dorri record capiau Neville Southall heno, wrth i Cymru herio Albania mewn gêm gyfeillgar yn ninas Elbasan.

Ond, nid y 93 cap sy’n bwysig, meddai’r amddiffynnwr 29 oed o Gasnewydd, ond cael canlyniad da dros ei wlad.

“Fe allwn ni dorri pob record unigol o dan haul, ond yr unig beth fyddai’n fy mhoeni i yw’r canlyniad,” meddai Chris Gunter.

“Dyw’r capiau ddim o anghenraid yn rhywbeth ydw i’n meddwl amdanyn nhw… maen nhw jyst yn cynyddu gyda phob gêm… dim ond dros y cwpwl o flynyddoedd diwetha’ mae pobol wedi bod yn fy atgoffa i fy mod yn agosáu at record chwaraewyr penodol.

“Ond mae’n anodd esbonio’r peth, gan mai fy swydd i yw troi lan a chwarae mor dda ac y gallen nhw i’r tîm.”

Fe enillodd gap rhif 92 yn erbyn Denmarc nos Wener ddiwethaf (Tachwedd 16), gan ddod yn gyfartal â record Neville Southall.

Y gêm

Mae gan Gymru record wael mewn gemau cyfeillgar, ac mae herio tim Albania oddi cartref yn siŵr o’i gwneud hi’n anodd mynd yn erbyn y record honno.

Mae’r amddiffynwyr Paul Dummett a James Chester yn absennol i Gymru gydag anafiadau.

Gydag Ethan Ampadu wedi tynnu’n ôl o’r garfan hefyd, mae’r chwaraewr ifanc, Rabbi Matondo –  o Machester City – wedi cael ei alw gan Ryan Giggs.

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd