Malcolm Allen ddim yn sylwebu ar gêm Denmarc ar S4C

Diweddarwyd  

Bydd y cyn-bêl-droediwr rhyngwladol a’r sylwebydd o ogledd Cymru, Malcolm Allen, yn dychwelyd i S4C yn y “dyfodol agos”, yn ôl S4C, ar ôl penderfynu “cymryd hoe” o’r byd sylwebu.

Daeth cadarnhad na fydd Malcom Allen yn cyd-sylwebu â Nic Parry ar raglen  Sgorio yn ystod y gêm fawr rhwng Cymru a Denmarc heno.

Dywed S4C eu bod nhw, cynhyrchwyr Sgorio a’r sylwebydd wedi “cyd-gytuno” ei fod yn cael ei ryddhau o’i ddyletswyddau sylwebu “am y tro”.

Bydd tîm cyflwyno Sgorio heno yn cynnwys Dylan Ebenezer, Owain Fôn Williams, Gwennan Harries, Nic Parry ac Owain Tudur Jones.

Digwyddiad yng Nghaernarfon

Daw’r cyhoeddiad ychydig dros wythnos yn dilyn adroddiadau bod Malcolm Allen yn gysylltiedig ag ymchwiliad gan yr heddlu i achos o ddwyn nwyddau o archfarchnad yng Nghaernarfon.

Yn ôl Heddlu Gogledd Cymru, cafodd ymchwiliad ei gynnal i’r digwyddiad ar Dachwedd 7, ond ni chafodd neb eu harestio.

Mae S4C wedi gwrthod cadarnhau bod y penderfyniad i ryddhau’r sylwebydd am gyfnod dros dro yn gysylltiedig â’r digwyddiad hwn.

Bydd y gêm rhwng Cymru a Denmarc yn cychwyn am chwarter i wyth heno, ac yn cael ei darlledu’n llawn ar BBC Radio Cymru a S4C.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd