Yr asgellwr Luciano Narsingh yw’r chwaraewr diweddaraf i ychwanegu ei enw at restr anafiadau tîm pêl-droed Abertawe.

Mae’r rhestr eisoes yn cynnwys yr ymosodwr Wilfried Bony a’r asgellwr Jefferson Montero.

Mae disgwyl i’r Iseldirwr fod allan am ychydig wythnosau ar ôl anafu llinyn y gâr wrth ymarfer yn y dyddiau cyn y gêm yn erbyn Aston Villa yn Birmingham ddydd Sadwrn.

Dydy Luciano Narsingh ddim wedi chwarae mewn gêm gystadleuol y tymor hwn ar ôl cael ei anafu cyn dechrau’r tymor.