Y Cofis “wrth eu bodd” yn eu holau yn Uwch Gynghrair Cymru

Diweddarwyd am  

Bydd Clwb Pêl-droed Caernarfon yn eu holau yn Uwch Gynghrair Cymru y tymor nesaf ar ôl curo Caersws oddi cartref 0-2 neithiwr.

Mae’r Cofis bellach yn gobeithio sicrhau’r bencampwriaeth nos Fercher yng nghyffordd Llandudno.

Maen nhw wedi cael tymor i’w gofio gydag un golled yn unig yn y gynghrair, a rhediad gwych yng Nghwpan Cymru cyn colli i’r Seintiau Newydd yn y bedwaredd rownd.

Tymor gwych

“Rydan wrth ein boddau i ennill dyrchafiad,” meddai is-reolwr y clwb, Richard Davies wrth Golwg360.

“Mae wedi bod yn dymor gwych, mae’n rhaid cofio gwnaeth Iwan Williams y rheolwr adael ym mis Tachwedd ond mi wnaeth Sean Eardley gymryd yr awenau a ‘dan ni heb edrych nôl. Cawsom sgwrs ar ôl iddo gael y swydd, a dywedodd wrth bawb am gario ymlaen a chanolbwyntio ar y nod o gael dyrchafiad.

“Mae’r clwb wedi bod yn unedig, o staff y cantîn, yr academi, y pwyllgor ac wrth gwrs ein deuddegfed dyn, y Cofi Army.”

Roedd y clwb wedi derbyn y drwydded ddomestig sy’n angenrheidiol yn ddiweddar am yr ail dymor yn olynol.

Roedd hynny’n arwydd o ba mor galed roedd pobol y tu ôl i’r llenni wedi gweithio ar ôl y siom yn 2015/16 o fethu â chael dyrchafiad ar ôl gorffen yn gyntaf ac ennill Gwpan y Gynghrair – a hynny oherwydd fod y Gymdeithas Bêl-droed wedi gwrthod y drwydded  am resymau ariannol.

Ychwanegodd Richard Davies, “Y nod rŵan ydy ennill y gynghrair nos Fercher, mae’r ffocws ar hynna, a thymor nesaf, y nod fydd sefydlu’n hunain yn y gynghrair.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd