Sheffield Wednesday 0–0 Caerdydd
Mae Caerdydd yn aros yn drydydd yn y Bencampwriaeth yn dilyn gêm gyfartal ddi sgôr yn erbyn Seffield Wednesday yn Hillsborough nos Sadwrn.
Yr ymwelwyr o dde Cymru a gafodd y gorau o’r hanner cyntaf ond heb gynnig llawer o flaen gôl.
Roedd y Tylluanod yn well wedi’r egwyl a chawsant sawl cyfle da i gipio’r tri phwynt.
Gwastraffodd Lucas Joao gyfle da i Wednesday toc cyn yr awr yn dilyn camgymeriad amddiffynnol gan Gaerdydd.
Cafodd yr un chwaraewr gyfle da ychydig funudau’n ddiweddarach hefyd ond peniodd yn syth at Neil Etheridge yn y gôl.
Bu rhaid i’r ddau dîm fodloni ar bwynt yr un yn y diwedd, canlyniad sydd yn cadw Caerdydd yn drydydd yn nhabl y Bencampwriaeth.
.
Sheffield Wednesday
Tîm: Wildsmith, Ferrao Venancio, Pudil, Thorniley, Palmer, Wallace (Boyd 81’), Jones, Reach, Fox, Rhodes (Matias 72’), Lucas Joao (Nuhiu 81’)
Cerdyn Melyn: Wallace 77’
.
Caerdydd
Tîm: Etheridge, Ecuele Manga, Morrison, Bamba, Richards, Grujic (Paterson 78’), Ralls, Bennett, Wildschut (Mendez-Laing 71’), Hoilett (Harris 83’), Zohore
Cardiau Melyn: Grujic 8’, Bamba 40’, Richards 90+2’
.
Torf: 23,277