Abertawe’n aros ar y gwaelod

Diweddarwyd am  
Elyrch

Newcastle 1–1 Abertawe                                                                

Mae Abertawe’n aros ar waelod Uwch Gynghrair Lloegr yn dilyn gêm gyfartal yn erbyn Newcastle ar Barc St. James brynhawn Sadwrn.

Gôl yr un a oedd hi yng ngogledd ddwyrain Lloegr gyda Jordan Ayew a Joselu yn sgorio o fewn ychydig funudau i’w gilydd yn yr ail hanner.

Cafodd y tîm cartref well cyfleoedd yn yr hanner cyntaf ond fe allai Abertawe fod wedi cael cic o’r smotyn pan darodd y bêl law Mohamed Diame yn y cwrt cosbi.

Aros yn ddi sgôr a wnaeth hi tan yr egwyl serch hynny ond roedd yr ymwelwyr o Gymru ar y blaen ar yr awr diolch i beniad Ayew ar yr ail gynnig.

Ymatebodd Rafa Benitez trwy yrru Joselu ar y cae ac fe gafodd yr eilydd argraff yn syth gan rwydo wedi i ergyd Ayoze Perez wyro i’w lwybr yn y cwrt cosbi, Abertawe ar y blaen am saith munud yn unig.

Cafodd Luciano Narsingh ac Wilfried Bony gyfleoedd i’w hennill hi i’r Elyrch yn yr eiliadau olaf ond fe wnaeth y gôl-geidwad, Karl Darlow, ac amddiffyn Newcastle yn dda i gadw’r gwrthwynebwyr allan.

Mae’r pwynt yn cadw Abertawe ar waelod y tabl, bedwar pwynt i ffwrdd o ddioglewch yr ail safle ar bymtheg.

.

Newcastle

Tîm: Darlow, Yedlin, Lascelles, Clark, Dummett, Shelvey (Merino 82’), Diame, Ritchie, Perez, Atsu, Gayle (Joselu 64’)

Gôl: Joselu 68’

.

Abertawe

Tîm: Fabianski, van der Hoorn (Roberts 65’), Bartley, Mawson, Olsson, Ki Sung-yueng, Dyer (Narsingh 85’), Clucas, Carroll, Ayew, McBurnie (Bony 71’)

Gôl: Ayew 60’

Cardiau Melyn: Bartley 10’, Mawson 82’, Ayew 90’

.

Torf: 51,444

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd