Caerdydd yn colli

Diweddarwyd am  
Caerdydd

Bathodyn Clwb Pêl-droed Caerdydd

Llun: Logo’r clwb

Caerdydd 2–4 Fulham                                                                       

Llithrodd Caerdydd i’r trydydd safle yn y Bencampwriaeth wrth golli yn erbyn Fulham yn Stadiwm y Ddinas brynhawn Mawrth.

Ildiodd yr Adar Gleision bedair gôl wrth golli am yr eildro mewn pedwar diwrnod ac am y tro cyntaf gartref y tymor hwn.

Peniodd Tim Ream yr ymwelwyr o Lundain ar y blaen wedi deuddeg munud cyn i Floyd Ayite wyro croesiad Ryan Sessegnon i gefn y rhwyd i ddyblu’r fantais yn gynnar yn yr ail gyfnod.

Tarodd Caerdydd yn ôl yn syth gyda foli wych Kenneth Zohore funud yn ddiweddarach.

Cafodd Sol Bamba a Bruno Ecuele Manga gyfleoedd i unioni wedi hynny ond roedd Fulham yn edrych beryglus wrth wrthymosod.

Arweiniodd un o’r gwrthymosodiadau hynny at gôl i seren ifanc Fulham, Sessegnon, ddeuddeg munud o’r diwedd.

Rhoddodd peniad Callum Paterson lygedyn o obaith i’r Adar Gleision wedi hynny ond adferodd Stefan Johansen ddwy gôl o fantais yr ymwelwyr wedi gwrthymosodiad arall yn yr eiliadau olaf.

Mae’r canlyniad hwn ynghyd â Buddugoliaeth Bristol City yn erbyn Reading yn achosi i Gaerdydd lithro i’r trydydd safle yn nhabl y Bencampwriaeth.

.

Caerdydd

Tîm: Etheridge, Peltier, Ecuele Manga, Bamba, Bennett, Damour (Healey 73’), Bryson, Ralls, Medez-Laing, Zohore, Hoilett (Paterson 73’)

Gôl: Zohore 57’, Paterson 90+2’

Cerdyn Melyn: Ralls 90’

.

Fulham

Tîm: Bettinelli, Fredericks, Kalas, Ream, Odoi, Johansen, McDonald, Cairney, Ojo (Kebano 86’), Ayite (Roche Fonte 77’), Sessegnon (Piazzon 90+1)

Goliau: Ream 12’, Ayite 56’, Sessegnon 78’, Johansen 90+7’

Cardiau Melyn: Ayite 34’, Fredericks 43’, Odoi 82’, Bettinelli 90+2’

.

Torf: 21,662

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd