Ewro 2016: Cymru v Lloegr ‘ar y BBC’

 


Mae disgwyl i’r gêm rhwng Cymru a Lloegr yn Ewro 2016 gael ei dangos ar y BBC, ar ôl i ITV benderfynu bod amser y gic gyntaf yn rhy letchwith iddyn nhw ei dangos.

Fe fydd y ddau ddarlledwr yn rhannu hawliau ar gyfer dangos holl gemau’r gystadleuaeth, ac yn ôl y Daily Mirror mae ITV wedi cael y dewis cyntaf o gemau.

Ond gan fod gêm Cymru v Lloegr yn dechrau am 2.00yp ddydd Iau 16 Mehefin, mae’n debyg bod ITV wedi penderfynu y byddai’n well ganddyn nhw ddewis gemau Lloegr yn erbyn Rwsia a Slofacia, y ddau yn dechrau am 8.00yh.

Roedd y darlledwyr wedi ceisio perswadio UEFA i symud y gêm rhwng Cymru a Lloegr i amser hwyrach er mwyn gallu manteisio ar gynulleidfa teledu uwch ym Mhrydain, ond mae hynny’n annhebygol iawn o ddigwydd.

Cymru v Lloegr – pum rheswm i edrych ymlaen

Aros i weld

Mae’n edrych felly fel mai’r BBC fydd yn dangos y gêm fawr rhwng y ddau elyn, fydd yn cael ei chwarae yn ystod oriau gwaith arferol.

Dyw’r darlledwyr heb gadarnhau eto fodd bynnag pa gemau fyddan nhw’n eu dangos i gyd.

Mae’r BBC ac ITV yn rhannu hawliau darlledu’r gystadleuaeth, felly fe fyddan nhw’n dangos yr un faint o gemau’r un, ac fe fydd y ddwy sianel yn dangos y ffeinal.

Mae’n golygu nad yw cefnogwyr Cymru’n gwybod eto pwy fydd yn darlledu eu gornest agoriadol yn erbyn Slofacia ar 11 Mehefin, sydd yn dechrau am 5.00yp, na gêm olaf y grŵp yn erbyn Rwsia ar 20 Mehefin am 8.00yh.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn