Yr Adar Gleision yn Disgyn

Diweddarwyd am  

Newcastle 3–0 Caerdydd

Daeth arhosiad Caerdydd yn Uwch Gynghrair Lloegr i ben brynhawn Sadwrn wrth iddynt golli yn erbyn Newcastle ar Barc St James.

Roedd talcen caled yn wynebu’r Adar Gleision cyn y gêm ac roedd mynydd ganddynt i’w ddringo wedi i Shola Ameobi roi Newcastle ar y blaen wedi deunaw munud. Ychwanegodd Loic Remy a Steven Taylor ddwy gôl hwyr wrth i’r tymor fynd o ddrwg i waeth i’r Cymry.

Doedd pethau ddim yn argoeli’n dda i Gaerdydd wedi i Ameobi benio’r tîm cartref ar y blaen o groesiad Moussa Sissoko yn chwarter cyntaf y gêm.

Bu bron i Sissoko ddyblu’r fantais yn fuan wedyn ond tarodd ei gynnig yn erbyn y trawst ond arhosodd Newcastle ar y blaen tan hanner amser.

Diflannodd rhai o gefnogwyr y tîm cartref mewn protest yn yr ail hanner ac fe fethodd y rheiny ddwy gôl arall gan eu tîm!

Rhwydodd Remy yr ail a bu bron i’r Ffrancwr rwydo’r drydedd hefyd ond roedd Taylor wrth law i sgorio ar yr ail gynnig.

Roedd hynny’n hen ddigon i sicrhau’r tri phwynt i Newcastle ac i ddanfon Caerdydd yn ôl i’r Bencampwriaeth.

.

Newcastle

Tîm: Krul, Debuchy, Dummett (Haidara 45′), Tioté, Williamson, Coloccini, Sissoko, Anita (Taylor 79′), Sh Ameobi, Remy, Gouffran (Gosling 70′)

Goliau: Sh. Ameobi 18’, Remy 86’, Taylor 90’

Cerdyn Melyn: Debuchy 68’

.

Caerdydd

Tîm: Marshall, Fabio (Wolff Eikrem 86′), John, Mutch, Caulker, Turner, Zaha, Whittingham, Campbell (Jones 73′), Gunnarsson, Kim (Bellamy 45′)

.

Torf: 50, 239

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd