Gohirio’r tymor criced oherwydd y coronafeirws

 

Llun parth cyhoeddus CC0 trwy Commons Wikimedia

Mae’r tymor criced proffesiynol yng Nghymru a Lloegr wedi cael ei ohirio am o leiaf saith wythnos o ganlyniad i’r coronafeirws.

Dydy hi ddim yn glir eto beth fydd y drefn ar gyfer y tymor, gyda’r cyfnod cynharaf yn y tymor wedi’i neilltuo ar gyfer gemau pedwar diwrnod y Bencampwriaeth.

Ond yr hyn sy’n glir yw na fydd unrhyw griced cyn Mai 28.

Un opsiwn yw dechrau’r tymor heb dorf, wrth i’r awdurdodau ystyried sut i greu lle ar gyfer y Bencampwriaeth, cystadlaethau ugain pelawd y Vitality Blast a’r Can Pelen, yn ogystal â’r gystadleuaeth 50 pelawd, Cwpan Royal London.

Ar ben hynny, roedd disgwyl i Loegr herio India’r Gorllewin mewn cyfres o dair gêm brawf, gyda’r merched yn herio India.

Ymateb Morgannwg

Mae Clwb Criced Morgannwg yn dweud eu bod nhw’n cefnogi’r penderfyniad.

“Rydym wedi monitro sefyllfa Covid-19 yn agos, ynghyd â’r ECB a’r siroedd dosbarth cyntaf, ac rydym yn cefnogi’n llwyr y penderfyniad i ohirio dechrau tymor y siroedd,” meddai Hugh Morris, y prif weithredwr.

“Cafodd hwn ei wneud gyda lles ein chwaraewyr, ein hyfforddwyr, ein staff, ein haelodau a’n cefnogwyr ym mlaenau ein meddyliau.

“Tra bod elfen o ansicrwydd ynghylch pryd fydd y tymor yn dechrau, bydd y chwaraewyr yn parhau i weithio’n galed ar eu ffitrwydd corfforol a hogi eu technegau, fel y byddan nhw’n barod ar gyfer y tymor i ddod.

“Gyda’r mesurau bellach yn eu lle, gobeithio y byddwn ni’n gallu croesawu ein cefnogwyr yn eu holau yn fuan i Erddi Sophia y tymor hwn.

“Gobeithio fod pawb yn aros yn ddiogel yn ystod y cyfnod heriol hwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn