Batiwr ugain pelawd gorau’r byd yn ymuno â’r Tân Cymreig

Diweddarwyd  
Crys tîm criced Tân CymreigThe Hundred

Crys tîm criced Tân Cymreig

Llun: The Hundred

Beth Mooney o Awstralia yw’r chwaraewraig ddiweddaraf i gael ei chyhoeddi gan dîm criced dinesig y Tân Cymreig.

Hi sydd ar frig rhestr y batwyr gorau mewn gemau ugain pelawd rhyngwladol ar hyn o bryd, ac mae hi’n ymuno â’i chydwladwragedd Meg Lanning a Jess Jonassen yn nhîm y brifddinas ar gyfer y gystadleuaeth Can Pelen eleni.

Cafodd hi ei henwi’n Chwaraewraig y Twrnament ac yn brif sgoriwr rhediadau Cwpan y Byd T20 yn ddiweddar.

Mae hi’n un o bump o ferched sydd wedi cael eu cyhoeddi gan drefnwyr y gystadleuaeth, ynghyd â Nicola Carey (Northern Superchargers), Ashleigh Gardner (Birmingham Phoenix), Marizanne Kapp (Oval Invincibles) a Chloe Tryon (London Spirit).

‘Cystadleuaeth o safon uchel a byd-eang’

Mae gan bob tîm yr hawl i ddenu tair chwaraewraig o dramor i’r garfan o 15, a bydd y chwaraewyr domestig yn cael eu cadarnhau ym mis Gorffennaf.

Yn ôl Beth Mooney, mae hi wedi cyffroi o gael ymuno â’r gystadleuaeth newydd sbon.

“Mae’n edrych fel pe bai’n datblygu’n gystadleuaeth  o safon uchel a byd-eang,” meddai.

“Fel prif hyfforddwr, mae Matthew Mott yn adeiladu tîm cryf iawn yn y Tân Cymreig, ac alla i ddim aros i fynd yno gyda fy nghyd-chwaraewyr newydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn