Billy Root yn aros gyda Morgannwg tan o leiaf 2022

Diweddarwyd am  
Billy Root

Billy Root

Llun: golwg360 / Alun Rhys Chivers

Mae Billy Root yn dweud ei fod e’n teimlo’n “gartrefol” yng Nghymru ar ôl ymestyn ei gytundeb gyda Chlwb Criced Morgannwg am ddau dymor arall, i’w gadw gyda’r sir tan o leiaf 2022.

Ymunodd y Sais 26 oed â’r sir o Swydd Nottingham cyn dechrau tymor 2019 ac mae e wedi dod yn un o’r batwyr gorau.

Yn ei dymor cyntaf gyda’r sir, roedd e ar frig rhestr eu prif sgorwyr rhediadau mewn gemau 50 pelawd gyda 386 o rediadau, gan gynnwys ei sgôr gorau erioed, 113 heb fod allan yn erbyn Surrey.

Tarodd e ganred dwbwl am y tro cyntaf erioed yn y Bencampwriaeth yn erbyn Swydd Northampton, gan sgorio cyfanswm o 768 o rediadau yn y gystadleuaeth.

‘Teimlo’n gartrefol yng Nghymru’

“Ro’n i wrth fy modd yn ystod fy nhymor cyntaf gyda Morganwg, a dw i’n teimlo’n gartrefol iawn yn y clwb ac yng Nghymru,” meddai.

“Dw i’n teimlo bod fy ngêm wedi gwella dipyn o gael gweithio gyda Matt [Maynard, y prif hyfforddwr] a gweddill y staff hyfforddi, a dw i wrth fy modd o gael ymestyn fy nghytundeb.

“Fe wnaethon ni gryn welliannau ar y cae y llynedd ac mae gyda ni nifer o chwaraewyr talentog iawn yn y garfan.

“Gobeithio y gallwn ni barhau ar i fyny a gwthio am ddyrchafiad ym Mhencampwriaeth y Siroedd a herio am dlysau ar ffurf y bêl wen.”

‘Chwaraewr allweddol’

“Fe wnaeth Billy greu argraff ar bawb gyda’i berfformiadau ar y cae y llynedd, ac roedd e’n chwaraewr allweddol yn ein timau pêl goch a phêl wen,” meddai Mark Wallace, Cyfarwyddwr Criced Morgannwg.

“Mae e hefyd yn aelod poblogaidd iawn o’r ystafell newid ac yn ddylanwad positif ar y garfan gyda’i frwdfrydedd am y gêm.

“Mae pawb yn y clwb wrth eu boddau fod Billy wedi llofnodi’r estyniad ac wedi ymroi yn y dyfodol i Forgannwg.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn