Medru’r Gymraeg “ddim yn effeithio” ar rolau gwirfoddol Morgannwg

Diweddarwyd am  
Gerddi Sophia

Gerddi Sophia, Caerdydd

Llun: Flickr Rovingsheep CCA2.0

Dydy gallu siarad Cymraeg “ddim yn effeithio” ar geisiadau i wirfoddoli gyda Chlwb Criced Morgannwg, yn ôl holiadur y clwb.

Ond maen nhw’n dweud eu bod nhw eisiau rhoi “croeso Cymraeg cynnes” i ymwelwyr.

Mae’r clwb yn chwilio am wirfoddolwyr ar gyfer y tymor criced newydd, ac wedi gosod yr holiadur ar eu gwefan.

“Ein nod yw darparu gwasanaeth cwsmeriaid dosbarth cyntaf a rhaglen groesawu i wylwyr yn ystod ein gemau cartref yn y Vitality Blast a’n gemau rhyngwladol sydd wedi’u cynllunio ar gyfer 2020 a thu hwnt.

“Mae angen gwirfoddolwyr arnom i ymuno â’n tîm cyfeillgar presennol i helpu i sicrhau bod ein gemau a’n prosiectau cymunedol yn rhedeg yn esmwyth.”

Dywed y clwb eu bod nhw’n chwilio am wirfoddolwyr i ymdrin â’r cyfryngau, digwyddiadau a noddwyr, gwasanaethau gwylwyr, cefnogi hyfforddi ieuenctid, Amgueddfa Griced CC4, cefnogaeth weinyddol a phrosiectau cymunedol.

Mae’r holiadur wedyn yn gofyn “ydych chi’n siarad Cymraeg (fydd yr ateb hwn ddim yn effeithio ar ddod yn wirfoddolwr neu beidio ond mae’n ein helpu i roi rôl i chi)?”

‘Croeso Cymraeg cynnes’

Wrth ymateb, dywed y clwb eu bod nhw’n ceisio sicrhau’r defnydd gorau o wirfoddolwyr sy’n gallu siarad Cymraeg.

“Mae hyn oherwydd ein bod ni’n hoffi defnyddio’n gwirfoddowlwyr Cymraeg eu hiaith yn y safleoedd gorau i groesawu cefnogwyr i’r cae a’u cyfarch nhw yn Gymraeg neu yn Saesneg,” meddai llefarydd.

“Mae hyn fel ein bod ni’n rhoi croeso Cymraeg cynnes iddyn nhw, sef yr hyn mae Morgannwg yn adnabyddus am ei wneud.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn