Tramorwr Morgannwg yw trydydd batiwr gorau’r byd

 

Marnus Labuschagne

Llun oddi ar gyfrif Twitter Clwb Criced Morgannwg

Marnus Labuschagne, chwaraewr tramor Morgannwg, yw trydydd batiwr gorau’r byd mewn gemau prawf, yn ôl rhestr detholion ddiweddaraf y Cyngor Criced Rhyngwladol (ICC).

Mae’n codi un safle uwchlaw Kane Williamson o Seland Newydd, sy’n gostwng i’r pedwerydd safle – ond mae e wedi codi 107 o lefydd dros gyfnod o flwyddyn.

Dim ond ei gydwladwr Steve Smith a Virat Kohli o India sydd uwchlaw’r gŵr o Awstralia sydd newydd lofnodi cytundeb i aros gyda Morgannwg am y ddau dymor nesaf.

Mae e wedi chwarae mewn 14 o gemau ac mewn 23 batiad, mae e wedi sgorio cyfanswm o 1,459 o rediadau ar gyfartaledd o 63.43 – dim ond Donald Bradman o Awstralia sydd â chyfartaledd uwch (99.94) yn hanes y gêm o blith chwaraewyr sydd wedi batio mwy nag 20 o weithiau.

Daeth ei sgôr uchaf, 215, yn ei gêm ddiwethaf yn erbyn Seland Newydd yn Sydney yng ngêm gyntaf 2020. 

Doedd neb yn y byd wedi sgorio mwy o rediadau na fe yn ystod 2019, wrth iddo fe sgorio cyfanswm o 1104.

 

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd