Tân Cymreig yn denu prif fowlwraig undydd y byd

 
Crys tîm criced Tân CymreigThe Hundred

Crys tîm criced Tân Cymreig

Llun: The Hundred

Jess Jonassen, prif fowlwraig undydd y byd, yw’r bedwaredd chwaraewraig i gael ei dewis i chwarae i dîm criced Tân Cymreig yn y gystadleuaeth ugain pelawd ddinesig Can Pelen y tymor nesaf.

Bydd y chwaraewraig amryddawn 27 oed yn cael ei hyfforddi gan ei chydwladwr Matthew Mott, cyn-brif hyfforddwr Morgannwg.

Mae hi’n ymuno â charfan sydd eisoes yn cynnwys Meg Lanning, un o brif sêr y byd, ynghyd â Katie George a Bryony Smith.

“Bydd Can Pelen yn gystadleuaeth wych ac yn gyfle cyffrous i gêm y merched yn benodol,” meddai Jess Jonassen.

“Dw i wedi mwynhau bod yn rhan o’r WBBL [Women’s Big Bash League yn Awstralia] ac mae gwylio honno’n tyfu yn dangos bod yna awydd go iawn am griced domestig i ferched, a dw i’n siŵr y bydd hynny’r un fath yn y Deyrnas Unedig.

“Bydd yn dda cael ymuno â Matt Mott a Meg Lanning ac yn amlwg, rydyn ni’n cydweithio ar lefel ryngwladol, ond dw i hefyd wedi cyffroi o gael chwarae ochr yn ochr â Katie George a Bryony Smith a dod i adnabod wynebau newydd.

“Dw i’n edrych ymlaen at gael bod yn rhan o’r Tân Cymreig a gobeithio helpu i symud y tîm yn ei flaen.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd