Morgannwg yn teithio i Swydd Derby

Diweddarwyd am  

Criced

Llun: CC0

Ar ôl gêm gyfartal ddi-ganlyniad gyffrous yng Nghasnewydd yr wythnos ddiwethaf, mae tîm criced Morgannwg yn teithio i Derby i herio Swydd Derby yn y Bencampwriaeth heddiw (dydd Sul, Mai 19).

Ond dydy hanes ddim o blaid y Cymry, sydd heb fuddugoliaeth ar y cae hwn mewn gêm pedwar diwrnod ers 2006.

Cawson nhw grasfa y tymor diwethaf, wrth i Tony Palladino gipio deg wiced yn yr ornest i sicrhau buddugoliaeth o 169 o rediadau i’r Saeson.

Y tymor cynt, daeth y glaw a dim ond ambell sesiwn oedd yn bosib dros y pedwar diwrnod.

Yn 2016, daeth yr ornest i ben yn gyfartal ddi-ganlyniad oherwydd cyfuniad o eira, eirlaw a chenllysg, ac roedden nhw’n gyfartal ddi-ganlyniad hefyd yn Chesterfield yn 2015.

Y tro diwethaf i Forgannwg ennill yn Derby yn 2006, tarodd yr Awstraliad Mark Cosgrove 233, ei sgôr dosbarth cyntaf gorau erioed, wrth i’r Cymry ennill o chwe wiced.

Y timau

Mae’r capten Chris Cooke, a gafodd ei anafu yng Nghasnewydd, wedi’i enwi yng ngharfan Morgannwg ond dydy e ddim wedi gwella o anaf i’w goes.

David Lloyd sy’n arwain Morgannwg yn ei absenoldeb, ac yntau wedi ennill ei gap sirol ychydig ddyddiau’n ôl.

Mae Tom Cullen, y wicedwr wrth gefn, yn cymryd ei le, ac mae Dan Douthwaite, y chwaraewr amryddawn ifanc a greodd argraff yn y tîm 50 pelawd, hefyd yn chwarae ar ôl ymuno o Brifysgolion Caerdydd yr MCC.

Mae Lukas Carey yn chwarae yn lle’r bowliwr cyflym Marchant de Lange, sy’n cael gorffwys.

Mae Michael Hogan hefyd yn dychwelyd ar ôl anaf, ac yntau wedi cipio pum wiced i’r ail dîm yr wythnos ddiwethaf.

Swydd Derby: B Godleman (capten), L Reece, T Lace, W Madsen, A Hughes, H Hosein, M Critchley, A Dal, L van Beek, T Palladino, R Rampaul

Morgannwg: N Selman, C Hemphrey, M Labuschagne, D Lloyd (capten), B Root, J Lawlor, T Cullen, D Douthwaite, L Carey, M Hogan, A Salter

Sgorfwrdd

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd