Pwynt i Forgannwg… o’r diwedd

Diweddarwyd am  

Mae Morgannwg wedi sicrhau eu pwynt cyntaf yng nghystadleuaeth 50 pelawd Cwpan Royal London, ar ôl i’w gêm yn erbyn Swydd Caint orffen yn ddi-ganlyniad oherwydd y glaw.

Mae’r canlyniad hefyd yn golygu bod y Saeson yn cipio pwynt am y tro cyntaf eleni.

Dechreuodd yr ornest, a gafodd ei chwtogi i 49 pelawd, am 11.25yb ar ôl i Forgannwg alw’n gywir a phenderfynu batio.

Ar ddiwedd y belawd gyntaf, datgymalodd Sam Billings, maeswr Swydd Caint, ei ysgwydd ac fe fu’n rhaid iddo adael y cae ac fe fydd yn cael sgan yfory.

Collodd Morgannwg eu wiced gyntaf yn y bumed pelawd pan yrrodd Jeremy Lawlor belen, yn ei gêm Restr A gyntaf, at y maeswr ar yr ochr agored oddi ar fowlio Harry Podmore.

Aeth y chwaraewyr oddi ar y cae oherwydd y glaw, a dychwelyd yn ddiweddarach gyda’r ornest wedi’i chwtogi ymhellach i 40 pelawd.

Rhagor o law

Pan ddaeth y chwaraewyr allan unwaith eto am 1.15yp, daeth Marnus Labuschagne a’r capten Chris Cooke allan i ymosod, cyn i Cooke gael ei ddal oddi ar fowlio Fred Klaassen am 21.

Ond daeth y glaw unwaith eto am 1.50yp, a phenderfynodd y dyfarnwyr mai digon oedd digon erbyn toc cyn 5 o’r gloch.

Bydd Morgannwg yn croesawu Surrey i Erddi Sophia ddydd Sul.

 

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd