Morgannwg v Gwlad yr Haf: y Cymry’n mynd am eu buddugoliaeth gyntaf

Diweddarwyd am  
Pêl griced wen

Mae Morgannwg yn mynd am eu buddugoliaeth gyntaf yng nghystadleuaeth 50 pelawd Cwpan Royal London heddiw (dydd Sul, Ebrill 21), wrth iddyn nhw groesawu Gwlad yr Haf i Erddi Sophia yng Nghaerdydd.

Mae’r chwaraewr amryddawn Jeremy Lawlor wedi cael ei ychwanegu at y garfan am y tro cyntaf y tymor hwn, ac fe allai ymddangos mewn gêm Rhestr A am y tro cyntaf.

Mae e wedi perfformio’n dda i’r ail dîm, gan daro hanner canred yn erbyn Gwlad yr Haf a Swydd Nottingham, a chipio pum wiced yn erbyn Hampshire.

Mae Gwlad yr Haf eisoes wedi curo Swydd Caint, deiliaid y tlws, eleni

Gemau’r gorffennol

Collodd Morgannwg yn erbyn Gwlad yr Haf yn Taunton y tymor diwethaf, ar ôl i James Hildreth daro 159 wrth i’r Saeson guro’r Cymry o 83 o rediadau.

Yn 2017, tarodd Jim Allenby 144 yn erbyn ei hen glwb, wrth i Wlad yr Haf ennill o 170 o rediadau.

Morgannwg oedd yn fuddugol o drwch blewyn yn 2013, wrth i Mark Wallace daro 70 i helpu Morgannwg i gwrso’r nod gyda thair pelen ac un wiced yn weddill.

Carfan Morgannwg: C Cooke (capten), L Carey, K Carlson, M de Lange, C Hemphrey, M Hogan, M Labuschagne, J Lawlor, D Lloyd, C Meschede, B Root, A Salter, T van der Gugten, G Wagg

Carfan Gwlad yr Haf: T Abell (capten), Azhar Ali, T Banton, G Bartlett, D Bess, J Brooks, J Davey, L Gregory, T Groenewald, J Hildreth, C Overton, P Trego, R van der Merwe

Sgorfwrdd

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd