Crasfa eto fyth i Forgannwg

 
David Lloyd

David Lloyd

Llun: Clwb Criced Morgannwg

Mae Morgannwg wedi cael crasfa arall yn eu hail gêm 50 pelawd yng Nghwpan Royal London yn erbyn Hampshire yn Southampton.

Tarodd Tom Alsop 130 heb fod allan wrth i’r Saeson gwrso 293, a chyrraedd y nod gydag 8.1 o belawdau’n weddill.

Yn gynharach yn y batiad, tarodd y capten James Vince 95.

Perfformiad siomedig gafwyd unwaith eto gan fatwyr Morgannwg, ac eithrio David Lloyd a Graham Wagg a darodd 68 yr un.

Manylion y gêm

Sgoriodd y Cymry 292 am naw ar ôl galw’n gywir a batio’n gyntaf, ond roedden nhw mewn dyfroedd dyfnion yn gynnar yn y batiad ar 28 am dair.

Bryd hynny, daeth David Lloyd a Billy Root ynghyd ac adeiladu partneriaeth o 100 am y bedwaredd wiced i achub rywfaint ar eu hembaras.

Ychwanegodd y capten Chris Cooke a Graham Wagg 95 am y seithfed wiced, ac fe lwyddon nhw i sicrhau bod Morgannwg yn gosod nod gystadleuol i’r Saeson yn y pen draw.

Fe allai Chris Cooke fod wedi bod allan am chwech, ond fe gafodd ei ollwng gan Aneurin Donald, cyn-chwaraewr Morgannwg, oedd wrth y llain pan gipiodd Hampshire y fuddugoliaeth yn y pen draw.

Seren y bowlwyr i’r tîm cartref oedd Kyle Abbott, a gipiodd dair wiced am 47. Roedd dwy wiced i’r troellwr Liam Dawson.

Ar ôl colli eu dwy gêm gyntaf, fe fydd Morgannwg yn gobeithio taro’n ôl wrth iddyn nhw groesawu Gwlad yr Haf i Gaerdydd ddydd Sul.

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd