Cael a chael rhwng Morgannwg a Swydd Northampton

Diweddarwyd  

Llun parth cyhoeddus CC0 trwy Commons Wikimedia

Mae Swydd Northampton yn closio at gyfanswm batiad cyntaf Morgannwg ar ddiwedd trydydd diwrnod y gêm Bencampwriaeth yng Nghaerdydd.

Wrth ymateb i’r 570 am wyth sgoriodd y Cymry, roedd yr ymwelwyr yn 522 am bedair ar ddiwedd y trydydd diwrnod, gyda Rob Keogh yn ddi-guro ar 73 ac Adam Rossington heb fod allan ar 32.

Mae gan Forgannwg flaenoriaeth o 48 ar hyn o bryd.

Cosbi’r bowlwyr eto fyth

Dechreuodd Swydd Northampton y trydydd diwrnod ar 234 heb golli wiced, gyda Ricardo Vasconcelos ar 125 ac fe aeth yn ei flaen i sgorio 184, ei sgôr dosbarth cyntaf gorau erioed.

Rob Newton oedd y batiwr cyntaf allan, wedi’i ddal gan y wicedwr Chris Cooke oddi ar fowlio Timm van der Gugten, am 105, a’r sgôr yn 303 am un.

Daeth ail ddaliad i Chris Cooke pan gipiodd Graham Wagg wiced y capten Alex Wakely am 18, a’r sgôr yn 343 am ddwy, a hynny ddwy belen i mewn i sesiwn y prynhawn.

Cwympodd y drydedd wiced bum pelawd yn ddiweddarach ar 353, pan darodd y troellwr coes Marnus Labuschagne goes Ricardo Vasconcelos o flaen y wiced. Sgoriodd e 184, ei sgôr gorau erioed. Roedd ei fatiad yn cynnwys 22 pedwar ac un chwech oddi ar 317 o belenni.

Roedd Rob Keogh a Josh Cobb wedi adeiladu partneriaeth o 100 cyn i Billy Root gipio’i wiced gyntaf i Forgannwg, wrth i Graham Wagg ei ddal yn sgwâr, a’r sgôr yn 453 am bedair.

Llwyddodd Rob Keogh ac Adam Rossington i fynd â Swydd Northampton y tu hwnt i 500, wrth iddyn nhw glosio at gyfanswm batiad cyntaf Morgannwg o 570 am wyth.

Sgorfwrdd

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd