Tlws Cwpan Criced y Byd yn dod i Gymru

Diweddarwyd am  
Cwpan Criced y Byd

Cwpan Criced y Byd

Llun: Clwb Criced Morgannwg

Fe fydd tlws Cwpan Criced y Byd yn dod i Gymru ym mis Chwefror, ar drothwy’r gystadleuaeth ym mis Mai a Mehefin.

Bydd y tlws yn ymweld â chlybiau criced, ysgolion, caeau criced a nifer o leoliadau eraill o bwys yn y wlad.

Bydd y daith trwy Gymru’n dechrau yn Stadiwm Principality, a bydd modd i gefnogwyr weld y tlws yn y stadiwm yn ystod gêm rygbi Cymru yn erbyn Lloegr ar ddydd Sadwrn, Chwefror 23.

O’r fan honno, bydd y tlws yn teithio o amgylch y byd cyn dychwelyd i Gymru ar gyfer gêm ugain pelawd Lloegr yn erbyn Pacistan yng Ngerddi Sophia ar Fai 5.

Ar Ddydd Llun Gŵyl y Banc, fe fydd yn ymweld â thraeth Porthcawl, lle bydd y clwb criced lleol yn cynnal gêm ar y traeth. Bydd yn mynd wedyn i gastell Caerffili, ac yna i brosiect criced yn Abercynon.

Y diwrnod canlynol (Mai 7), bydd y tlws yn cyrraedd castell Caerdydd, cyn mynd yn ei flaen i adeilad hanesyddol Tŷ Tredegar ac yna i gastell Cil-y-coed.

Ar y dydd Mercher (Mai 8), fe fydd yn mynd i Ysgol Gynradd Eastern ym Mhort Talbot ac yna i draeth Pen-bre yn Sir Gâr ac i gastell Penfro, lle bydd 150 o blant yn cymryd rhan mewn cystadleuaeth griced dan naw oed.

Ar y diwrnod olaf (Mai 9), bydd y tlws yn ymweld â Zip World yn Eryri, cyn teithio i draeth a chlwb criced yn yr ardal.

Bydd Cwpan y Byd yn dechrau ym mis Mai, ac mae Gerddi Sophia yn cynnal pedair gêm rhwng Mehefin 1 a 15.

 

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd