Gemau criced er cof am John Derrick

 

Y diweddar John Derrick

Llun: Clwb Criced Morgannwg

Mae gemau criced yn cael eu cynnal yn Aberdâr heddiw er cof am y cyn-gricedwr a chyn-brif hyfforddwr Morgannwg, John Derrick.

Fe fu farw o diwmor ar ei ymennydd yn 54 oed fis Mawrth y llynedd.

Mae llu o gricedwyr Morgannwg – o’r tîm presennol a thimau’r gorffennol – wedi dod ynghyd yn ei dref enedigol i’w gofio.

Gyrfa

Fel chwaraewr amryddawn, chwaraeodd e mewn mwy na 200 o gemau i Forgannwg cyn troi ei law at hyfforddi.

Mae’n cael ei ystyried yn brif hyfforddwr mwyaf llwyddiannus y sir, wrth iddo ennill tlws y Gynghrair Undydd Genedlaethol yn 2002 a 2004, cyrraedd Diwrnod Ffeinals y T20 Blast yn 2004, ac fe arweiniodd ei dîm i ddyrchafiad i Adran Gynta’r Bencampwriaeth.

Ar ôl gadael Morgannwg, fe weithiodd i Fwrdd Criced Cymru fel Cyfarwyddwr Perfformiad Cenedlaethol, ac roedd yn ddadansoddwr ar raglenni criced BBC Cymru.

Y gemau

Tîm Aberdâr sy’n dechrau’r diwrnod yn erbyn tîm Criced Cymru ac un o’r chwaraewyr yw Liam Derrick, mab John.

Uchafbwynt y diwrnod fydd y gêm 25 pelawd rhwng Aberdâr a thîm Morgannwg sy’n cynnwys rhai o sêr y sir.

Y rhai sy’n chwarae i Forgannwg yw Matthew Maynard, Robert Croft, Mark Wallace, Mike Powell, David Harrison, Dean Cosker, Ryan Watkins, Adrian Shaw, Aneurin Donald, Andrew Salter, Ruaidhri Smith a Lukas Carey.

Mae cinio arbennig hefyd yn cael ei gynnal yng Nghlwb Criced Aberdâr, lle bydd Matthew Maynard, Robert Croft a Mike Powell yn rhannu eu hatgofion ohono.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd