Cyfarfod i drafod cystadleuaeth Wimbledon

 

Cwrt Canol, Wimbledon

Llun: CC0 trwy www.pixabay.com

Fe fydd penderfyniad ynghylch cystadleuaeth tenis Wimbledon yn cael ei wneud yn ystod cyfarfod brys yr wythnos nesaf.

Mae pwysau ar y trefnwyr i ganslo’r digwyddiad yn sgil y coronafeirws, ond maen nhw’n bwriadu ei chynnal ar hyn o bryd.

Mae disgwyl iddi ddechrau ar Fehefin 29, ac mae penaethiaid eisoes yn dweud na fydd y gystadleuaeth yn cael ei chynnal y tu ôl i ddrysau caëedig.

Ond mae lle i gredu nad ydyn nhw’n awyddus i’w chanslo ychwaith.

Mae pob math arall o’r gêm wedi’i ganslo tan ddechrau’r tymor glaswellt ar Fehefin 7.

Y byd chwaraeon ar ei golled

Mae’n debyg nad yw penaethiaid Wimbledon yn awyddus i weld y byd tenis yn gwneud colledion tebyg i gampau eraill.

Mae Undeb Rygbi Lloegr eisoes yn dweud y gallen nhw golli hyd at £50m dros y 18 mis nesaf, wrth i’r prif weithredwr Bill Sweeney gael gostyngiad cyflog o 25%.

Ac mae Cymdeithas y Pêl-droedwyr Proffesiynol yn awyddus i gynnal trafodaethau ag Uwch Gynghrair Lloegr a Chynghrair Bêl-droed Lloegr.

Mae rhai campau eraill eisoes wedi cyflwyno polisi o dorri cyflogau chwaraewyr.

Mae disgwyl i gystadleuaeth griced yr IPL yn India fynd yn ei blaen ymhen tair wythnos, ac mae trefnwyr Pencampwriaeth Athletau Ewrop yn obeithiol y bydd digwyddiad yn cael ei gynnal yn Paris ym mis Awst.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn