Sioc wrth i Michael van Gerwen golli yng Nghaerdydd

 

Llun: CCO

Roedd sioc yn Uwch Gynghrair y Dartiau yng Nghaerdydd neithiwr (nos Iau, Chwefror 21), wrth i Nathan Aspinall drechu Michael van Gerwen.

Dyma’r tro cyntaf i’r Iseldirwr, deilydd tlws yr Uwch Gynghrair, golli y tymor hwn.

Sgoriodd Nathan Aspinall gyfartaledd o 101 wrth iddo ennill yr ornest o 7-5 yn erbyn pencampwr triphlyg y byd.

‘Gwefr’

Dywedodd Nathan Aspinall wrth Sky Sports wedi’r fuddugoliaeth ei fod e’n teimlo’r “wefr”.

“Dyma fy mhedwaredd gêm [yn yr Uwch Gynghrair] a do’n i ddim wedi chwarae’n dda iawn yn fy ngemau hyd yn hyn,” meddai.

“Ro’n i jest eisiau chwarae fy ngêm arferol ac mae’n fuddugoliaeth enfawr i fi.

“Mae’r boi yn ddynol ac os rhowch chi fe dan bwysau, fe fydd e’n methu â’r dartiau.

“Cael curo pencampwr y byd, gwych.”

Y gemau eraill

Glen Durrant sydd ar frig yr Uwch Gynghrair erbyn hyn ar ôl iddo guro Gary Anderson o 7-4.

Crafu buddugoliaeth wnaeth Peter Wright, wrth iddo guro Rob Cross o 7-5 ar ôl bod ar ei hôl hi o 3-0 ar ddechrau’r ornest.

Tafodd Michael Smith 167 a 142 wrth ennill saith gêm yn olynol i guro’r Cymro Jonny Clayton, y gwestai arbennig, o 7-1.

Cafodd y Cymro arall, Gerwyn Price, gêm gyfartal 6-6 yn erbyn Daryl Gurney, ei drydedd gêm gyfartal yn olynol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn