Geraint Thomas yn tynnu’n ôl o ras yn erbyn y cloc

 

Geraint Thomas, enillydd Tour de France 2018

Llun: Pete Goding/PA Wire

Mae’r seiclwr Geraint Thomas wedi tynnu’n ôl o ras yn erbyn y cloc ym Mhencampwriaeth Ffordd y Byd yn Swydd Efrog.

Mae’n dweud ei fod e’n teimlo nad yw e ar ei orau.

Roedd disgwyl iddo fe gystadlu yn y ras rhwng Northallerton a Harrogate ddydd Mercher.

“Dw i wedi trio dod yn ôl ar fy ngorau ar ôl cael seibiant ar ôl y Tour [de France] ond yn anffodus, dw i ddim yn teimlo mewn cyflwr digon da i berfformiad ar fy ngorau,” meddai.

“Felly cafodd y penderfyniad ei wneud gyda fy hyfforddwr a Matt Brammeier yn Seiclo Prydain i hepgor y TT ac ymrwymo i’r tîm ar gyfer y ras ar y ffordd.”

Ymateb

“Tra ei fod yn destun siom fod Geraint yn tynnu’n ôl o’r ras yn erbyn y cloc, rydym yn deall ac yn cefnogi ei benderfyniad,” meddai Stephen Park, cyfarwyddwr perfformiad tîm Prydain.

“Bydd Geraint yn cynrychioli Prydain yn y ras ar y ffordd lle bydd e’n gaffaeliad i’r tîm.”

Bydd Geraint Thomas yn cystadlu yn y ras ar y ffordd ddydd Sul (Medi 22) – ras sy’n mynd o Leeds i Harrogate, pellter o 285km.

Hefyd yn y tîm mae Owain Doull.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd