Tlws Tour de France Geraint Thomas wedi’i ddwyn

 
Geraint Thomas

Geraint Thomas yn ennill Tour de France

Llun: Pete Goding / PA Wire

Mae tlws Tour de France y Cymro Geraint Thomas wedi cael ei ddwyn o sioe feics yn Birmingham.

Mae tîm Sky wedi bod yn arddangos holl dlysau’r Grand Tour yn ystod cyfres o sioeau yng ngwledydd Prydain.

Roedd y tîm wedi rhoi benthyg y tlysau i gwnni Pinarello ar gyfer y Sioe Seiclo yn yr NEC ddiwedd mis Medi. Mae lle i gredu bod y tlws wedi cael ei adael ar ei ben ei hun am gyfnod pan oedd staff yn rhoi offer i gadw.

Mae’r heddlu’n cynnal ymchwiliad.

“Anffodus dros ben”

“Mae’n anffodus dros ben fod hyn wedi digwydd,” meddai Geraint Thomas.

“Does dim rhaid dweud bod y tlws o werth cyfyng iawn i bwy bynnag oedd wedi ei ddwyn, ond mae’n golygu tipyn i fi ac i’r tîm.”

Er ei fod yn dweud bod y tlws yn “bwysig”, dywed hefyd fod “yr atgofion anhygoel” yn rhai nad ydyn nhw’n gallu cael eu cymryd oddi wrtho.

Dywedodd rheolwr gyfarwyddwr Pinarello UK, Richard Hemington fod y cwmni’n “cymryd cyfrifoldeb llawn” ac wedi ymddiheuro wrth Geraint Thomas.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd