“Sir Gâr fydd y ganolfan i seiclo yng Nghymru yn y dyfodol”

Diweddarwyd  
Felodrom Caerfyrddin

Felodrom Caerfyrddin lle bydd ras seiclo y Tour of Britain yn dechrau

Llun: Cyngor Sir Caerfyrddin

“Sir Gâr fydd y ganolfan i seiclo yng Nghymru yn y dyfodol” – dyna yw barn cynghorydd o’r ardal.

Ymhen rhai dyddiau mi fydd ras seiclo y Tour of Britain yn dechrau yn Sir Gâr, gan ddenu 120 o seiclwyr proffesiynol gorau’r byd i’r ardal.

Dyma’r tro cyntaf i’r daith ddod i’r sir, a daw yn sgil ymdrechion gan Gyngor Sir Gaerfyrddin i hybu’r gamp yn yr ardal.

Ym mis Hydref y llynedd, cafodd felodrom Caerfyrddin ei ailagor – diolch i fuddsoddiad £600,000 – a bellach mae’r gwaith o adeiladu llwybr seiclo wedi dechrau yn Nyffryn Tywi.

Tystiolaeth yw hyn oll, meddai’r Cynghorydd Sir, Alun Lenny, o ymrwymiad Cyngor Sir Gâr i droi’r ardal yn ganolfan i seiclo yng Nghymru.

“Ers blwyddyn neu ddwy nawr, rydym ni wedi bod yn awyddus iawn i helpu seiclo, ac wedi buddsoddi arian sylweddol – cyfanswm o filiynau o bunnau ar lefel Cyngor Sir,” meddai wrth golwg360.

“Yn sicr nawr, mae [llwyddiant diweddar Geraint Thomas yn y Tour de France] yn cyfiawnhau ein buddsoddiad, a siŵr o fod yn hwb anferth i seiclo yn Sir Gaerfyrddin.

“Dw i’n hoffi meddwl mai Sir Gâr fydd y ganolfan i seiclo yng Nghymru yn y dyfodol.”

Geraint Thomas

Daw ei sylwadau yn dilyn buddugoliaeth Geraint Thomas, seiclwr sy’n hanu o Gaerdydd, yng nghystadleuaeth y Tour de France.

Gan fod tad y seiclwr, Howell Thomas, yn dod o Fancyfelin – pentref rhwng Sanclêr a Chaerfyrddin – mae Alun Lenny yn jocian bod gwreiddiau’r pencampwr yn “ddwfn yn Sir Gaerfyrddin”.

“Mae hawl gyda ni iddo fe, weden i,” meddai. “O’n i’n meddwl wrth iddo agor ei grys, roedd e fel ffarmwr! Roedd greddf cefn gwlad yn y ffordd yr oedd e’n ymddwyn.”

Enwi’r felodrom ar ol Geraint Thomas? 

Mae Cyngor Sir Caerfyrddin bellach yn ystyried enwi’r felodrom ar ol Geraint Thomas. Mi fydd y cyngor yn gofyn am ganiatad y seiclwr i ail-enwi’r felodrom ar ei ol. Mae’r felodrom, a gafodd ei adeiladu yn 1900, yn un o’r rhai hynaf yn y byd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd