Medal aur hanesyddol i Menna Fitzpatrick

Diweddarwyd am  
Gemau Olympaidd y Gaeaf

Gemau Olympaidd y Gaeaf

Llun: Pixabay

Mae’r Gymraes Menna Fitzpatrick a’i thywysydd Jen Kehoe wedi ennill y fedal aur yng nghystadleuaeth y slalom yng Ngemau Paralympaidd y Gaeaf yn Pyeongchang.

Roedden nhw eisoes wedi ennill dwy fedal arian a medal efydd yn Ne Corea, ac roedden nhw’n fuddugol o 0.66 eiliad yn y gystadleuaeth ddiweddaraf, a hynny ar ôl bod ar ei hôl hi o 0.66 eiliad ar ôl eu cynnig cyntaf.

Dyma fedal aur gyntaf Prydain yn y Gemau – eu hail fedal aur erioed.

Dywedodd Menna Fitzpatrick ar ôl ei buddugoliaeth ei bod hi “mor falch” o lwyddiant y ddwy sydd bellach yn bâr mwyaf llwyddiannus Prydain erioed yng Ngemau Paralympaidd y Gaeaf.

Menna Fitzpatrick

Cafodd Menna Fitzpatrick, sy’n 19 oed, ei geni â nam ar ei golwg, sy’n golygu ei bod hi’n hollol ddall yn ei llygad chwith, ac ychydig iawn o olwg sydd ganddi yn ei llygad dde.

Dechreuodd hi sgïo pan oedd hi’n bump oed, ac mae hi’n cael ei thywys gan Jen Kehoe ers 2015.

Mae’r ddwy yn cyfathrebu drwy declyn yn eu clustiau, a’r tywysydd yn gwisgo dillad llachar ar y llethr.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd